ساۋدا جانە ينتەگراتسيا ءبىرىنشى ۆيتسە-ءمينيسترى ارمان شاققاليەۆ قازاقستاندا ازىق-ت ۇلىك تاۋارلارىن تومەن باعامەن ساتىپ الۋدىڭ جولدارىن ۇسىندى, دەپ حابارلايدى Egemen.kz.
«ازىق-ت ۇلىكتى ارزان باعامەن ساتىپ الۋعا كەلسەك, بۇل – ەڭ الدىمەن باقىلاۋ-كاسسالىق اپپاراتتارىمەن جابدىقتالعان ءىرى ساۋدا جەلىلەرى. سەبەبى, باعاعا قاتىستى كۇمان تۋىنداعان جاعدايدا, تەك چەك ارقىلى ۋاكىلەتتى ورگاندار مەن ساۋدا دەپارتامەنتىنە جۇگىنە الادى. وسىلايشا, باعانى ءوسىرۋ فاكتىسىن راستاۋعا نەمەسە جوققا شىعارۋعا بولادى. وركەنيەتتى ساۋدا فورماتى بويىنشا تاۋارلاردى ساتىپ الۋ ورىندارى وتە ماڭىزدى. بۇل الەۋمەتتىك ماڭىزى بار تاۋارلارعا دا قاتىستى», دەدى ارمان شاققاليەۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتى بارىسىندا.
سپيكەردىڭ ايتۋىنشا, قازاقستاندا كەيبىر ازىق-ت ۇلىك باعاسى ءبىرشاما تومەندەگەن.
«سوڭعى اپتاداعى دەرەكتەردى تالداۋ ناتيجەلەرىنە قاراساق, كەيبىر ازىق-ت ۇلىك باعاسى تومەندەگەنىن بايقاۋعا بولادى. اتاپ ايتقاندا, قاراقۇمىق, قانت, كارتوپ, كۇنباعىس مايىنىڭ باعاسى تومەندەدى. جالپى, ەل بويىنشا 0,7-دەن 2,2%-عا دەيىن ارزانداۋ بايقالادى», دەپ قوستى ارمان شاققاليەۆ.