ۇكىمەتتىڭ بۇگىنگى وتىرىسىندا ساۋدا جانە ينتەگراتسيا ءمينيسترى سەرىك جۇمانعارين وتاندىق نارىقتاعى باعانى تۇراقتاندىرۋ تەتىكتەرىنە توقتالىپ, بيىل تاريفتىك/تاريفتىك ەمەس رەتتەۋدىڭ ۋاقتىلى شارالارى وڭ ناتيجە بەرگەندىگىن ايتتى, دەپ حابارلايدى Egemen.kz.
ءمينيستردىڭ ايتۋىنشا, كۇنباعىس تۇقىمىنا كەدەندىك باج سالىعىن ەنگىزۋ ارقىلى وندىرۋشىلەردە كۇنباعىس مايىنىڭ باعاسىن تۇراقتاندىرۋعا مۇمكىندىك تۋدى. قازىرگى ۋاقىتتا وڭدەۋ كاسىپورىندارىندا جانە ساۋدا ورىندارىندا كۇنباعىس مايى باعاسىنىڭ تومەندەۋ ديناميكاسى بايقالىپ وتىر.
«پياز باعاسىن مىسال رەتىندە الۋعا بولادى. ەسكە سالساق, پيازدىڭ اگرەسسيۆتى ەكسپورتىن بولدىرماۋ ءۇشىن 3 ايعا ەكسپورتقا تىيىم سالىنعان, كەيىنەن بۇل تىيىم كۆوتاعا اۋىستىرىلدى. بۇل شارا حالىقتى پيازبەن قامتاماسىز ەتۋگە مۇمكىندىك بەردى جانە الدىڭعى جىلدارداعى قىرىققابات پەن كارتوپ سياقتى كوكونىستىڭ قىمباتتاپ كەتۋىنە جول بەرمەدى», دەدى مينيستر.
ۆەدومستۆو باسشىسى اتاپ وتكەندەي, قازىرگى ۋاقىتتا 2024 جىلدىڭ ماۋسىمارالىق كەزەڭىن قامتاماسىز ەتۋ ءۇشىن بيىلعى كۇزگى ەگىنگە بايلانىستى كەلىسىمشارتتار جاسالىپ جاتىر. قازىردىڭ وزىندە 90 مىڭ تونناعا جۋىق ءونىم جينالعان.
«جەرگىلىكتى اتقارۋشى ورگاندار كەلەسى جىلدىڭ ماۋسىمارالىق كەزەڭىندەگى كەلىسىمشارتتاردى جاساۋدى جىلدامداتۋى كەرەك», دەپ تۇيىندەدى سەرىك جۇمانعارين.