جامبىل وبلىسىندا جەڭىس كۇنىنە وراي ۇيىمداستىرىلاتىن مەرەكەلىك ءىس-شارالارعا قىزۋ دايىندىق ءجۇرىپ جاتىر, دەپ حابارلايدى Egemen.kz.
جامبىل وبلىسى ءىىد-ءنىڭ حابارلاۋىنشا, ۇلى وتان سوعىسى مەن ەڭبەك مايدانىنىڭ كوزى ءتىرى ارداگەرلەرىنىڭ ارقايسىسىن مەرەكەمەن قۇتتىقتاۋ جوسپارلانىپ وتىر.
«وبلىستا 17 سوعىس ارداگەرى تۇرادى. تارازدا 11 ارداگەر, بايزاق پەن تالاس وڭىرىندە 1, مەركى مەن سارىسۋ وڭىرىندە 2 ارداگەردەن تۇرادى», دەپ ءتۇسىندىردى ۆەدومستۆودان.
ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالارعا 1,5 ملن تەڭگە كولەمىندە ماتەريالدىق قولداۋ كورسەتۋ جوسپارلاندى.
1941 جىلى 400 مىڭداي حالقى بولعان جامبىل وبلىسىنان مايدانعا 100 مىڭنان استام جاۋىنگەر اتتاندى. جامبىل وبلىسىنىڭ 39 ازاماتى كەڭەس وداعىنىڭ باتىرى, 9-ى داڭق وردەنىنىڭ يەگەرى اتاندى.
2021 جىلى وبلىستا 35 ۇلى وتان سوعىسىنىڭ ارداگەرى تۇرسا, وبلىس ورتالىعىندا 20 ارداگەر تۇردى.
وتكەن جىلى جامبىل وبلىسىندا ۇلى وتان سوعىسىنىڭ 23 ارداگەرى تۇرعان.