بۇگىن استانادا «جاسىل استانا» ەكو-ايلىعى اياسىندا العاشقى جالپىقالالىق سەنبىلىك ءوتتى. وعان قاتىسقان بەلسەندىلەر ەلوردانىڭ بەس اۋدانىنا سەگىز مىڭعا جۋىق جاسىل جەلەك وتىرعىزدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جالپىقالالىق سەنبىلىككە 62 مىڭنان استام ادام قاتىستى. ولاردىڭ ىشىندە قالا تۇرعىندارى, ەڭبەك ۇجىمدارى, مەملەكەتتىك ورگانداردىڭ قىزمەتكەرلەرى, بيزنەس وكىلدەرى جانە ت.ب. بار. ولاردىڭ ارقايسىسى ەلوردادا تازالىق پەن ءتارتىپتىڭ ورناۋىنا ءوز ۇلەسىن قوستى.قالا تۇرعىندارى بۇكىل كىرەبەرىستەر مەن ءوز اۋلالارىنىڭ تازالىعىنا اتسالىستى.
سەنبىلىككە قاتىسۋشىلار ءوز ۋچاسكەلەرىن بەلسەندى تۇردە كوگالداندىردى. ءبىر كۇندە قالادا سەگىز مىڭعا جۋىق اعاش وتىرعىزىلدى.«اۋلامىزعا اعاش وتىرعىزىلدى. ۋاقىتىلى كۇتىم جاسالسا قورشاعان ورتاعا پايداسى زور بولماق. اپتاپ ىستىقتا كۇننەن قورعايدى دەپ سەنەمىز. كورشىلەرىمىزبەن بىرگە اعاش وتىرعىزىپ, اينالانى بىرگە تازارتتىق», دەدى استانالىق ميحايل پروشين.سەنبىلىك بارىسىندا ەلوردادان مىڭ توننادان استام قوقىس جينالىپ, شىعارىلدى. قالانىڭ 3,3 ملن شارشى مەتردەن استام جەرى تازارتىلدى.ەلوردادا سەنبىلىكتەر سەرياسى الداعى ۋاقىتتا دا جالعاسادى.