2023 جىلعى 1 ساۋىردەگى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14 417 شەتەل ازاماتى ەڭبەك ەتەدى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, شەتەلدىك ازاماتتاردى جۇمىسقا تارتۋعا رۇقساتتاردىڭ اراسىندا بىرنەشە سانات بار. اتاپ ايتقاندا, باسشىلار مەن ولاردىڭ ورىنباسارلارى ءۇشىن 584 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 3 028 رۇقسات (ەكىنشى سانات). ماماندار ءۇشىنشى جانە بىلىكتى جۇمىسشىلار ءتورتىنشى ساناتقا جاتادى. سونداي-اق ماۋسىمدىق جۇمىستارعا 1 302 ادام, ال كورپوراتيۆتىك اۋىستىرۋ اياسىندا 1 437 ادام ەڭبەككە تارتىلدى.
قازىرگى ۋاقىتتا قازاقستاندا شجك پايدالاناتىن 1 693 جۇمىس بەرۋشى بار. ولاردا 407,9 مىڭنان استام قازاقستان ازاماتى جۇمىس ىستەيدى, بۇل قىزمەتكەرلەردىڭ جالپى سانىنىڭ 96% - ى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر قۇرىلىس سالاسىندا – 5 262 ادام (37,3%); تاۋ – كەن ونەركاسىبى جانە كارەرلەردى قازۋ – 1 441 ادام (10%); اۋىل, ورمان جانە بالىق شارۋاشىلىعى – 1 143 ادام (8%); كاسىبي, عىلىمي جانە تەحنيكالىق قىزمەت – 979 ادام (7% ); وڭدەۋ ونەركاسىبى – 883 ادام (7%).
ەڭبەك ميگرانتتارى كەلەتىن نەگىزگى ەلدەر: قىتاي – 3 493 ادام (25%), تۇركيا – 1 523 ادام (11%), ءۇندىستان – 1 722 ادام (12%), وزبەكستان – 1461 ادام (9,3%).
ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بولەدى. 2023 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0,24% نەمەسە 22 260 بىرلىك مولشەرىندە بەلگىلەندى.