الماز شارمان دەنساۋلىق ساقتاۋ ءمينيسترىنىڭ پروفيلاكتيكالىق مەديتسينا ماسەلەلەرى جونىندەگى شتاتتان تىس كەڭەسشىسى بولىپ تاعايىندالدى, دەپ حابارلايدى Egemen.kz.
الماز شارمان 1960 جىلى 1 قاڭتاردا قاراعاندى وبلىسىنىڭ ۇلىتاۋ اۋىلىندا دۇنيەگە كەلگەن.
س.ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن اياقتاعان. ماسكەۋ قالاسىنداعى يممۋنولوگيا ينستيتۋتىندا اسپيرانتۋرا جانە دوكتورانتۋرانى بىتىرگەن.بيومەديتسينا جانە قوعامدىق دەنساۋلىق ساقتاۋ سالاسىنىڭ مامانى, مەديتسينا عىلىمدارىنىڭ دوكتورى, پروفەسسور, امەريكا دەنساۋلىق ساقتاۋ قاۋىمداستىعىنىڭ مۇشەسى.
اقش-تا مەديتسينالىق-دەموگرافيالىق زەرتتەۋلەر حالىقارالىق باعدارلاماسىنىڭ مەديتسينالىق كوورديناتورى بولىپ جۇمىس ىستەدى جانە دجونس حوپكينس ۋنيۆەرسيتەتىندە ساباق بەردى. ورتالىق ازيا بويىنشا حالىقارالىق دامۋ جونىندەگى امەريكا اگەنتتىگىنىڭ (USAID) ينفەكتسيالىق اۋرۋلار جونىندەگى كەڭەسشىسى, امەريكالىق ديپلومات مارتەبەسى بار قازاقستان بويىنشا USAID وكىلدىگىنىڭ باسشىسى بولدى.
الماز شارمان «تۋبەركۋلەزدەن ازات الەم» حالىقارالىق ساراپشىلار كوميسسياسىنىڭ مۇشەسى جانە بەدەلدى The Lancet مەديتسينالىق جۋرنالىندا وسى اتتاس ماقالانىڭ تەڭ اۆتورى.