مەملەكەت باسشىسى قاسىم-جومارت توقاەۆتىڭ توراعالىعىمەن وتكەن قازاقستان حالقى اسسامبلەياسىنىڭ «ادىلەتتى قازاقستان: بىرلىك, تۇراقتىلىق, دامۋ» اتتى ءحححىى سەسسياسى فورۋمنىڭ ەلىمىزدەگى ماڭىزدى ساياسي وقيعالاردىڭ ءبىرى ەكەنىن انىق كورسەتتى.
پرەزيدەنت اسسامبلەيادا سويلەگەن سوزىندە مەملەكەتتىك قۇرىلىستىڭ ىرگەتاسى ەتنوسارالىق كەلىسىم مەن بىرلىككە نەگىزدەلەتىنىن اڭعارتتى. ەتنوسارالىق قاتىناس باعىتىنداعى مەملەكەتتىك ساياساتتىڭ تيىمدىلىگىن ارتتىرۋ ءۇشىن كەشەندى مىندەتتەر قويىلدى.
مەملەكەت باسشىسى ءسوزىنىڭ نەگىزگى ءتۇيىنى مىنانداي تۇجىرىمعا سايادى: جالپىۇلتتىق بىرەگەيلىكتى الەۋمەتتىك-ساياسي, ەكونوميكالىق جانە رۋحاني قۇندىلىقتاردى نەگىزگە الا وتىرىپ, تابيعي ءارى تاريحي جولمەن قالىپتاستىرۋ جانە دامىتۋ كەرەك.
پرەزيدەنتتىڭ ايتۋىنشا, ء«بىزدىڭ بارشا حالقىمىز وزدەرىن ۇلكەن جانە ءبىرتۇتاس قازاق ۇلتىنىڭ اجىراماس بولىگى رەتىندە سەزىنەدى», «ونداعى ءاربىر ەتنوس دوستىقتى, ۇيلەسىمدىلىك پەن كەلىسىمدى نىعايتۋعا باعا جەتپەس ۇلەس قوسىپ وتىر». وسى ورايدا, مەملەكەت باسشىسى جالپىۇلتتىق بىرەگەيلىكتىڭ نىشاندارىن تاعى ءبىر مارتە اتاپ ءوتتى. ءبىرىنشى – ازاماتتىق بىرەگەيلىگىمىزدى تانىتاتىن كوك تولقۇجات. بۇل بارلىق ازاماتتىڭ تەڭ جانە مەملەكەتتىڭ قورعاۋىندا ەكەنىن كورسەتەدى. ەكىنشىسى – قازاقستاننىڭ تاۋەلسىزدىگىن, ونىڭ عاسىرلار بويى جالعاسىپ كەلە جاتقان مەملەكەتتىلىگىن بەينەلەيتىن اسپان تۇستەس كوك بايراق.
ەرلان قارين,
مەملەكەتتىك كەڭەسشى