قازاقستان حالقى اسسامبلەياسىنىڭ باسقوسۋى بۇرىنعىدان وزگەشە ءوتتى. العاشقى پلەنارلىق وتىرىستا رەسپۋبليكانىڭ تۇكپىر-تۇكپىرىنەن كەلگەن دەلەگاتتار ءارتۇرلى پروبلەمانى اشىق تۇردە, جان-جاقتى تالقىلادى. سونداي-اق ۇسىنىس, تىلەكتەرىن دە جەتكىزدى. سول جيىندا كوپتىڭ كوڭىلىن كۇپتى ەتكەن ماسەلەلەر پرەزيدەنت قاسىم-جومارت توقاەۆتىڭ قاتىسۋىمەن وتكەن قازاقستان حالقى اسسامبلەياسىنىڭ XXXII سەسسياسىندا ءوز شەشىمىن تاپتى.
ەڭ وزەكتى تۇيتكىلدىڭ ءبىرى – مەملەكەتتىك ءتىل. ۇلىس وكىلدەرى قازاق ءتىلىن ءبىلۋى كەرەك. ول ءۇشىن تاريحپەن ءىزىن جالعاپ كەلە جاتقان قازاقتىڭ سالت-داستۇرلەرىن, بولمىسىن, تانىمىن, ءدىلىن ءبىلۋ قاجەت. بۇل – بىرلىكتىڭ باستاۋى. بۇگىندە ەلىمىزدە 40 دوستىق ءۇيى الاڭى بار. ول جەردە مەملەكەتتىك ءتىلدى ۇيرەتەتىن ارنايى كۋرستار اشىلعان. ەتنوسارالىق قارىم-قاتىناستى نىعايتۋ ءۇشىن, تۇراقتىلىقتى ساقتاۋ ءۇشىن بارلىعىمىز ءبىر حالىق بولىپ جۇمىلۋىمىز قاجەت.
اسسامبلەيانىڭ اۋقىمدى جەلىسى قوعامدا تۇراقتىلىقتى قامتاماسىز ەتىپ, پرەزيدەنت رەفورمالارىنىڭ جۇزەگە اسىرىلۋىنا سەپ بولۋعا الەۋەتتى. سەبەبى ەتنومادەني بىرلەستىكتەر جەرگىلىكتى الەۋمەتتىك جاعدايدى جاقسى بىلەدى. جىل سايىن قازاقستان حالقى اسسامبلەياسىنىڭ سەسسياسىندا ءار اۋماقتان ەتنومادەني بىرلەستىكتەردىڭ وكىلدەرى, اسسامبلەيانىڭ مۇشەلەرى جينالىپ, وي-پىكىرىن ورتاعا سالادى. ءبىز ەل اراسىنداعى بىرلىگىمىزدى نىعايتۋ, العا قويعان ماقساتتارعا جەتۋ سىندى ماسەلەلەردى تالقىلاپ, ناقتى باعىتىمىزدى ايقىندايمىز.
ءبىز وسكەلەڭ ۇرپاققا تاتۋلىق پەن بەيبىتشىلىكتە ءومىر ءسۇرۋ قانشالىقتى ماڭىزدى ەكەنىن ۇعىندىرۋىمىز كەرەك. سەبەبى ونسىز بولاشاعىمىز ب ۇلىڭعىر بولماق. ءيا, باسقا دا ەكونوميكالىق ماسەلەلەر بارشىلىق. بىراق ەڭ باستى بايلىق – بىرلىك. بىرلىك بولماي, تىرلىك بولمايدى. جۇكتەلگەن مىندەت پەن ويلاعان جوسپار كوپ. پرەزيدەنتتىڭ ماعان بىلدىرگەن سەنىمىن اقتاۋعا ەلىمە, جەرىمە قىزمەت ەتۋگە دايىنمىن.
اكبارجون يسمايلوۆ,
قازاقستان حالقى
اسسامبلەياسى توراعاسىنىڭ ورىنباسارى