بۇگىنگى تاڭدا بەيبىتشىلىك پەن بىرلىك تەك ەلىمىزدە ەمەس, الەمدە دە وزەكتى. ادىلەتتى قازاقستاندى قۇرۋ, تاتۋلىقتى ساقتاۋ, ءوزارا سىيلاستىقتى نىعايتۋ ءبىزدىڭ جاڭا قوعام ءۇشىن قانشالىقتى ماڭىزدى ەكەندىگىن ارقايسىمىز جۇرەكپەن سەزىنەمىز.
كۇن سايىن, ساعات, ءتىپتى مينۋت سايىن جەدەل وزگەرىسكە ءتۇسىپ جاتقان جاھاندانۋ زامانىندا, وركەندەۋ مەن ۇلى وزگەرىستەرگە تولى زاماندا ءبىزدىڭ تۇراقتىلىعىمىزعا, كەلىسىمىمىزگە سىزاتىن ءتۇسىرۋى مۇمكىن داۋ-دامايلار, قاقتىعىستار بولماۋعا ءتيىس.
سىرتقى قاتەرلەرگە ءبىزدىڭ جاۋابىمىز – ەتنوسارالىق تاتۋلىق, قوعام تىنىشتىعى جانە تولەرانتتىلىق. سول ارقىلى ءبىز بەيبىت ءومىردى جالعاستىرامىز. ويتكەنى توزىمدىلىك بار جەردە عانا وركەنيەتتى قوعام داميدى. تولەرانتتىلىق گۇلدەنگەن ەلدە ءاربىر ازامات ۇلتىنا, تىلىنە, دىنىنە قاراماي ءوزىن ەركىن, قاۋىپسىز, باقىتتى سەزىنەدى.
ءبىز شىمكەنت قالاسىندا مەملەكەتتىك ەتنوسارالىق ساياساتتى ناسيحاتتايتىن اقپاراتتىق توپتاردى قۇردىق. ولاردىڭ قۇرامىنا مەملەكەتتىك قىزمەتكەرلەر, ەتنومادەني بىرلەستىكتەردىڭ توراعالارى, ۇستازدار, جاستار وكىلدەرى كىردى. ولار حالىق اراسىندا تولەرانتتىلىقتى, ۇلتارالىق كەلىسىمدى ءتۇسىندىرىپ ءجۇر. ءبىزدىڭ وڭىردە قولعا الىنعان وسىناۋ ىزگى ىستەر ەلىمىزدىڭ باسقا دا ايماقتارىندا جالعاسىن تاپسا, نۇر ۇستىنە نۇر بولار ەدى. ءبىز ەلىمىزدىڭ ەگەمەندىگىن نىعايتۋعا, ۇلتارالىق جانە كونفەسسياارالىق كەلىسىمدى ساقتاۋعا ناقتى ۇلەسىمىزدى قوسا بەرەمىز.
شاحلو ناراليەۆا,
وزبەك ەتنومادەني بىرلەستىكتەرى «دۋستليك» قاۋىمداستىعى توراعاسىنىڭ ءبىلىم جانە عىلىم جۇمىستارى جونىندەگى ورىنباسارى