ءتيىمدى جاڭا ءادىس

Lesson Study ءادىسى بىرنەشە مۇعالىمنىڭ ساباقتى بىرلەسە دا­يىنداپ, ءاربىر وقۋشىنىڭ قا­رىم-قابىلەتىنە, سۇرانىسىنا ساي ءبىلىم بەرۋگە باعىتتالعان. سو­نى­مەن بىرگە مۇعالىم وقىتۋ­دىڭ ار­نايى ادىستەمەسىن ازىر­لەپ, ونى زەرتتەۋ بارىسىندا ۇيرەن­گەن تىڭ تاسىلدەرىن كوۋچينگ, دە­مونستراتسيالىق ساباق­تار نە­گى­زىندە ءبىر-بىرىنە ۇيرەتەدى. بۇ­گىن­دە ەلىمىزدىڭ بارلىق مەك­تە­­بىن­دە وسى تەحنولوگيانى ۇي­رەتە­تىن جاتتىقتىرۋشىلار شتا­بى قۇرىلعان.

ءىس-شارانىڭ اشىلۋىندا وقۋ-اعارتۋ ۆيتسە-ءمينيسترى ايبات ءىلياسوۆ جيىننىڭ ماڭىزىنا توق­تالىپ, قاتىسۋشىلارعا سات­تىلىك تىلەدى. ودان كەيىن ءسوز العان «نازارباەۆ زياتكەرلىك مەك­تەپتەرى» دەربەس ءبىلىم بەرۋ ۇيى­مىنىڭ باسقارما توراعاسى ءانۋار جانعوزين اتالعان ادىسكە ارنايى توقتالدى.

– قازىر ءبىلىم سالاسىنا قويى­لاتىن تالاپ جوعارى. اسىرەسە اتا-انا مەن وقۋشىنىڭ سۇرانىسىن قاناعاتتاندىرۋ, عىلىمعا وزگە­رىس اكەلە الاتىن وسكەلەڭ ۇرپاق­تى تاربيەلەۋ ماڭىزدى. ال وسى ۇدەدەن شىعۋ ءۇشىن پەداگوگتەردەن جاڭاشىلدىق تالاپ ەتىلەدى. ءداستۇرلى ءبىلىم بەرۋدى زاما­ناۋي ءادىس-تاسىلدەرمەن تولىقتىرۋ­دىڭ دا ءمانى زور. سونىڭ ءبىرى – دۇنيەجۇزىلىك ساباقتى زەرتتەۋ قاۋىمداستىعى (WALS) مەن NIS اراسىنداعى Lesson Study ءادىسى. وسى مەتوديكا بويىنشا مۇعالىمدەردىڭ ناتيجەلەرى كوڭىل قۋانتادى. بۇل نازارباەۆ زياتكەرلىك مەكتەپتەرىنىڭ 10 جىل­دان بەرى وتاندىق پەداگوگ­تەرمەن اتقارعان جۇيەلى جۇمىستارىنىڭ ناتيجەسى, – دەدى ول.

ايتا كەتەيىك, 2015 جىلى نا­زارباەۆ زياتكەرلىك مەكتەپتەرى Lesson Study ءتاسىلىن مەكتەپتەر­دە ەنگىزۋ مەن مۇعالىمدەردىڭ بىلىك­تىلىگىن ارتتىرۋ باعىتىنداعى كە­شەندى جۇمىستارى ءۇشىن دۇ­نيە­جۇزىلىك ساباقتى زەرتتەۋ قاۋىم­داس­تىعىنىڭ ساراپشىلىق كەڭە­سى­نە مۇشە بولىپ, رەسمي تۇردە مو­يىندالعان. ءسويتىپ ەلىمىز حالىق­ارالىق عالىمدار جانە ساراپشىلارمەن بىرگە الەمدىك زەرتتەۋلەرگە قاتىسىپ, Lesson Study ءادىسى بويىنشا جەتكەن جەتىستىكتەردى تانىستىرۋعا مۇمكىندىك الدى.

كونفەرەنتسياعا شەتەلدىك سا­­راپشىلار دا قاتىستى. ولار­دىڭ قاتارىندا جاپونيانىڭ 10-نان اسا باستاۋىش جانە ورتا مەك­تەبىنىڭ دامۋ جونىندەگى كە­ڭەسشىسى توشيا چيچيبۋ, ما­لاي­زياداعى مۇعالىمدەردى دايار­لاۋ ينستيتۋتىنىڭ اعا وقىتۋ­شىسى حاسنا ابدۋلا جانە شوت­لانديانىڭ بەيزەل پەتەرسون كول­لەدجىنىڭ زەرتتەۋشىسى روبەرت دۋگلاس سيم بار. شەتەلدىك جانە وتاندىق ساراپشىلار وقىتۋ سالاسىنداعى وزىق تەحنولوگيا­لار مەن الەمدىك ترەندتەر, سونداي-اق Lesson Study جونىندە ءوز ويلارىن ورتاعا سالىپ, قاتى­سۋشىلارعا ءدارىس وقىدى. ال دۇ­نيە­جۇزىلىك ساباقتى زەرتتەۋ قاۋىمداستىعىنىڭ پرەزيدەنتى كەترين ليۋيس ونلاين بايلانىس ارقىلى ەلىمىزدىڭ اتالمىش تەحنولوگيانى ەنگىزۋدەگى جەتىستىكتەرىن جوعارى باعالادى.

– ساباقتى زەرتتەۋ – بۇل كۇر­دەلى ۇدەرىس. ول بىزدەن مازمۇندى تەرەڭ زەردەلەۋدى, ارىپتەستەر­مەن جۇمىس ىستەۋدى, وقۋشىلار­دىڭ قالاي وقيتىنىن مۇقيات قاداعالاۋدى, قيىندىقتاردى جە­ڭۋدى, كەيدە ءبىزدىڭ ەسكى وقىتۋ ادىستەرىمىزدى وزگەرتۋدى تالاپ ەتە­دى. سونىمەن قاتار ءبارىمىزدىڭ كاسىبي ءبىلىم بەرۋ بازاسىن بىر­لەسىپ قۇرىپ جاتقانىمىزدى ايعاقتايدى. بۇل مەكتەپتەردە مۇعالىمدەردىڭ «مەنىڭ وقۋشىم» نەمەسە «سەنىڭ وقۋشىڭ» دەگەن تۇسىنىكتى ۇمىتىپ, وقۋشىلار­دىڭ بىلىمىنە جاۋاپكەرشىلىكتىڭ ورتاق ەكەنىن ەسكە سالادى, – دەدى قاۋىمداستىق پرەزيدەنتى.

الداعى جىلى باس شاھاردا ەلىمىزدە ساباقتى زەرتتەۋ ءتاسى­لىن مەكتەپتەرگە ەنگىزۋ مەن ناتي­جەلى جۇمىستار ءۇشىن دۇنيە­جۇ­زىلىك ساباقتى زەرتتەۋ قاۋىم­داس­تىعىنىڭ ساراپتامالىق كە­ڭە­سىمەن WALS-2024 حالىق­ارا­­لىق كونفەرەنتسياسى وتەدى. اۋقىمدى شارانى «نازارباەۆ زيات­­كەرلىك مەكتەپتەرى» دەربەس ءبىلىم بەرۋ ۇيىمىنداعى پەدا­گو­گيكالىق شەبەرلىك ورتالىعى ۇيىم­داس­تىرادى. ۇلتتىق كونفەرەن­تسيا – سول حالىقارالىق شا­را­عا دا­يىن­دىقتىڭ باستاماسى.