قازىرگى زامانعى نارىقتىق قاتىناستار جاعدايىندا قازاقستانداعى سىبايلاس جەمقورلىق تاقىرىبى جانە قۇقىقتىق مەملەكەت قۇرۋ جايى راسىندا دا وزەكتى ماسەلە بولىپ وتىر. سىبايلاس جەمقورلىق الەۋمەتتىك قۇبىلىس رەتىندە ءومىر ءسۇرۋ دەڭگەيىنە كەرى اسەرىن تيگىزىپ, قازىرگى تاڭدا كەڭىنەن تارالۋدا. بۇل قۇبىلىس ءبىرىنشى كەزەكتە مەملەكەتتىك قىزمەت ورگاندارىنىڭ يميدجىنە تەرىس اسەر ەتەدى, ازاماتتاردىڭ سەنىمىنە نۇقسان كەلتىرەدى, مەملەكەتتىڭ نارىقتىق ەكونوميكاسىنىڭ دامۋىنا قاۋىپ توندىرەدى جانە ەكونوميكالىق جانە ۇلتتىق قاۋىپسىزدىككە زيان كەلتىرەتىنى ءسوزسىز. بۇگىندە سىبايلاس جەمقورلىق دەڭگەيىن تومەندەتۋ جانە جويۋ – وزەكتى مىندەتتەردىڭ ءبىرى.
ەلوردالىق قازىناشىلىق دەپارتامەنتىنىڭ قىزمەتكەرلەرىنە بيۋدجەتتىڭ بارلىق باپتارى مەن استانا قالاسىنىڭ اۋماعىندا ورنالاسقان بارلىق مەملەكەتتىك مەكەمەلەردىڭ, سونداي-اق كۆازيمەملەكەتتىك سەكتور سۋبەكتىلەرىنىڭ, قازىناشىلىق سۇيەمەلدەۋ شەڭبەرىندە مەملەكەتتىك ساتىپ الۋ سۋبەكتىلەرىنىڭ جانە قارجىلىق نەمەسە قارجىلىق ەمەس قولداۋ وپەراتورىنىڭ قاتاڭ قارجىلىق ءتارتىبى بويىنشا قاتاڭ ۇنەمدەۋ شەڭبەرىندە بيۋدجەت قاراجاتىنىڭ ماقساتتى پايدالانىلۋىن ءتيىمدى باقىلاۋ بويىنشا ۇلكەن جاۋاپكەرشىلىك جۇكتەلەدى. وسىلايشا, تاجىريبەلى قىزمەتكەرلەردىڭ قارجىلىق قۇجاتتاردى قابىلداۋىنىڭ ءبىرىنشى كەزەڭىندە, ال بۇل قازىناشىلىق ورگاندارىندا ءبىر جىلدان استام جۇمىس ىستەيتىن قارجىگەرلەر مەن ەكونوميستەر, بيۋدجەتتىك باعدارلامالاردىڭ ىسكە اسىرىلۋى, ولاردىڭ مەملەكەتتىك بيۋدجەتتى ودان ءارى اتقارۋ ءۇشىن بيۋدجەت زاڭناماسىنىڭ باپتارىنا سايكەستىگى قازىناشىلىق تەتىگى ارقىلى قاتاڭ تۇردە قارالادى. بۇل – قازىرگى ۋاقىتتا تۇسىمدەر مەن شىعىستار تۋرالى كۇندەلىكتى اقپاراتقا جەدەل تۇردە قولجەتكىزۋگە مۇمكىندىك بەرەدى. كىرىستەردىڭ تۇرلەرى جانە شىعىستاردىڭ بارلىق ساناتتارى بويىنشا رەسپۋبليكالىق جانە جەرگىلىكتى بيۋدجەتتەردىڭ, ولاردى ءتيىمدى باسقارۋ ماقساتىندا قارجى رەسۋرستارىن ورتالىقتاندىرۋ, باعدارلاما اكىمشىلەرىن باسقارۋ شەشىمدەرىن قابىلداۋ ءۇشىن قاجەتتى اقپاراتپەن ۋاقتىلى قامتاماسىز ەتۋ ماڭىزدى.
بيۋدجەتتى اتقارۋدىڭ قازىناشىلىق تەتىگى بۇگىندە مەملەكەتتىك باعدارلامالاردى قارجىلاندىرۋ بويىنشا جەدەل ىسكە اسىرۋ سالاسىندا ۇزدىك ناتيجەلەرگە قول جەتكىزۋگە مۇمكىندىك بەرەدى. بۇل باعىتتا رەسپۋبليكالىق جانە جەرگىلىكتى بيۋدجەتتەردىڭ اتقارىلۋىن, جەرگىلىكتى اتقارۋشى جانە ۋاكىلەتتى ورگانداردىڭ بيۋدجەت جۇيەسىنىڭ نەگىزگى قاعيداتتارىن: بيۋدجەت تۇسىمدەرىن قايتا ءبولۋ ارقىلى بيۋدجەتتەردىڭ ءوزارا ءىس-قيمىلىنا نەگىزدەلگەن جانە بىرىڭعاي نورماتيۆتىك قۇقىقتىق بازامەن قامتاماسىز ەتىلەتىن بيۋدجەتتەردىڭ بارلىق دەڭگەيلەرىنىڭ بىرلىگىن, تولىقتىعىن, شىنايىلىعىن, ترانسپارەنتتىلىگىن, جاۋاپكەرشىلىگى مەن دەربەستىگىن ساقتاۋىن قامتاماسىز ەتۋدە قازىناشىلىق دەپارتامەنتىنىڭ مەملەكەتتىك قىزمەتشىلەرى ماڭىزدى ءرول اتقارۋدا. اتاپ ايتقاندا, بيۋدجەت قاراجاتىنىڭ ماقساتتى پايدالانىلۋىنا الدىن الا جانە اعىمداعى باقىلاۋدى, ياعني مەملەكەتتىڭ قارجىلىق مۇددەلەرىن تۇبەگەيلى جۇزەگە اسىرادى.
بۇگىنگى تاڭدا قازىناشىلىقتىڭ ينتەگراتسيالانعان اقپاراتتىق جۇيەسى ناقتى ۋاقىت رەجىمىندە بيۋدجەت قاراجاتىن ۋاقتىلى, ساپالى جانە تولىق يگەرۋگە مۇمكىندىك بەرەدى. بۇل تەك قازىناشىلىق قىزمەتكەرلەرىنىڭ قۇزىرەتتىلىگى مەن جەدەلدىگىنە عانا ەمەس, سونىمەن قاتار مەملەكەتتىك مەكەمەلەردىڭ ەسەپ قىزمەتكەرلەرىنە دە بايلانىستى. ادەتتە, بۇل ماسەلە ءبىلىمدى, ساۋاتتى ماماندار بولماعان جاعدايدا نورماتيۆتىك قۇجاتتاردى بىلمەۋگە, قۇجاتتاردى راسىمدەۋ ماسەلەلەرىن ناشار مەڭگەرۋگە, بوس قورلاردىڭ قالدىقتارى بويىنشا جەتكىلىكتىلىگىن باقىلاۋ بولماعاندا جانە ۇسىنىلعان قۇجاتتاردى ۇقىپسىز راسىمدەۋگە, بۇل قۇجاتتاردى پىسىقتاۋعا قايتارۋعا اكەپ سوعادى. وسىعان بايلانىستى قازىناشىلىق دەپارتامەنتى توقسان سايىن بيۋدجەتتىك باعدارلامالار اكىمشىلەرىمەن جانە مەملەكەتتىك مەكەمەلەرمەن بيۋدجەت زاڭناماسىنا جاڭا وزگەرىستەر مەن تولىقتىرۋلاردى ءتۇسىندىرۋ بويىنشا ءوزارا تاجىريبە الماسۋ ماقساتىندا سەمينارلار وتكىزەدى. قازىناشىلىق قىزمەتىندە ۇزدىك ناتيجەلەرگە قول جەتكىزۋ ءۇشىن كورسەتكىشتەر بويىنشا توقسان سايىن قىزمەتتى رەيتينگتىك باعالاۋ ەنگىزىلگەن.
قازىناشىلىق جۇمىسىنىڭ ساپالى جانە ۋاقتىلى جۇرگىزۋدىڭ وڭ ناتيجەسى سىبايلاس جەمقورلىق كورىنىستەرىن جويۋدىڭ پروفيلاكتيكاسى بويىنشا كۇشەيتىلگەن جۇمىستىڭ ارقاسىندا, ياعني «قازىناشىلىق-كليەنت» اقپاراتتىق جۇيەسىن ەنگىزۋ ارقىلى قول جەتكىزىلەدى. بۇل قازىناشىلىق قىزمەتكەرلەرىنىڭ كليەنتتەرمەن بايلانىسىن بارىنشا ازايتۋعا جانە ءتىپتى ءوزارا بايلانىستى بولدىرماۋعا مۇمكىندىك بەردى. جۇيە بيۋدجەت قاراجاتىن ناقتى ۋاقىتى رەجىمىندە اۋدارۋدى جۇزەگە اسىرادى, ولاردىڭ ماقساتتى جۇمسالۋىن قاداعالايدى.
بۇگىندە دەپارتامەنتتە «قازىناشىلىق-كليەنت» اقپاراتتىق جۇيەسى ارقىلى رەسپۋبليكالىق جانە جەرگىلىكتى بيۋدجەتتەردەن قارجىلاندىرىلاتىن 313 مەملەكەتتىك مەكەمەگە, 86 كۆازيمەملەكەتتىك سەكتور سۋبەكتىسىنە, قازىناشىلىق سۇيەمەلدەۋ شەڭبەرىندە 190 مەملەكەتتىك ساتىپ الۋ سۋبەكتىسىنە, 3 قارجىلىق جانە قارجىلىق ەمەس قولداۋ وپەراتورىنا قىزمەت كورسەتىلەدى.
سىبايلاس جەمقورلىق بۇزۋشىلىقتارىنىڭ الدىن الۋ جانە وعان جول بەرمەۋ جونىندەگى پروفيلاكتيكالىق جۇمىستاردىڭ تيىمدىلىگىن ارتتىرۋ ماقساتىندا مەملەكەتتىك قىزمەتشىلەردىڭ سىبايلاس جەمقورلىققا قارسى كوزقاراسىن ودان ءارى قالىپتاستىرۋ جانە دامىتۋ ءۇشىن استانا قالاسى بويىنشا قازىناشىلىق دەپارتامەنتى سىبايلاس جەمقورلىققا قارسى ءىس-قيمىلدىڭ 2021-2023 جىلدارعا ارنالعان ءىس-شارالار جوسپارىن بەكىتتى. سونىمەن قاتار مەملەكەت باسشىسىنىڭ سىندارلى ساياساتىنىڭ ارقاسىندا قازاقستاندا بارلىق مەملەكەتتىك ورگانداردا, اتاپ ايتساق, استانا قالاسى بويىنشا قازىناشىلىق دەپارتامەنتىندە سىبايلاس جەمقورلىقپەن كۇرەس جۇمىس باعىتىنىڭ نەگىزگى باسىمدىلىعى بولىپ تابىلاتىن جەمقورلىققا قارسى ءىس-ارەكەت بويىنشا ماقساتتى, جوسپارعا ساي جۇيەلىك شارالار قابىلدانىپ, ورىندالۋدا. جەمقورلىق قۇقىق بۇزۋشىلىقتاردى بولدىرماۋ ماقساتىندا مەملەكەتتىك قىزمەت جانە جەمقورلىققا قارسى ءىس-ارەكەت تۋرالى زاڭنامالاردى ءتۇسىندىرۋ, سىبايلاس جەمقورلىقتىڭ الدىن-الۋ ءىس-شارالارى تاقىرىبىندا دارىستەر مەن سەمينارلار جوسپارعا ساي ۇنەمى وتكىزىلەدى.
جىل سايىنعى قازىناشىلىق ورگاندارى ارقىلى قارجىلىق قۇجاتتاردىڭ وراسان زور اعىنى, ياعني ناقتىلى اقشالاي قاراجاتتىڭ «كوشكىنى» وتەتىندىگىن ەسكەرسەك, بيۋدجەتتىڭ نىسانالى ءارى ءتيىمدى قولدانىلۋىن باقىلاۋدى باستى نازاردا ۇستاي وتىرىپ, بيۋدجەتتى اتقارۋدا وسىناۋ سۇبەلى جۇمىستى ابىرويلى ءارى ادال اتقارۋ قازىناشىلىق قىزمەتكەرلەرىنىڭ ەل ەكونوميكاسىنا قوسقان وراسان زور ۇلەسى ەكەنى بەلگىلى.
نەگىزدەلگەن ستراتەگياسى بار ءبىزدىڭ قازىناشىلىق جۇيە ۇدايى دامۋ ۇستىندە, سوندىقتان وسى العا قويعان ماقساتقا باعىتتالعان ەڭبەكتىڭ تيىمدىلىگى تىكەلەي بيۋدجەتتى اتقاراتىن ادامدارعا – قازىناشىلىق قىزمەتكەرلەرىنە بايلانىستى ەكەنى بارلىعىمىزعا ايان.
ء «بىز, ءوز ماماندىعى بويىنشا ەڭبەك ەتىپ جۇرگەن ادامنىڭ كەز كەلگەنى, ەلىنىڭ گۇلدەنىپ كوركەيۋىنە وزىندىك ۇلەس قوسۋدى قالايمىز. ەلدىڭ دامۋى ءاربىر ازاماتتىڭ ەڭبەك ەتۋىنە, وتانشىلدىعىنا بايلانىستى. وسى ءۇشىن ءبارىمىز بارىمىزدى سالىپ ءجۇرمىز» دەگەن پىكىردەگى قازىناشىلارىمىزدىڭ قىزمەتى بابىندا نە ىستەسە دە حالىق مۇددەسى ءۇشىن اتقاراتىن, ەل بولاشاعىن بارىنەن ۇستەم كورەتىن, سانالى دا بىلىكتى, كاسىبي ماماندارىمىزدىڭ قازاقستاننىڭ گۇلدەنىپ كوركەيۋىنە قالتقىسىز ەڭبەگىمەن ءالى دە باعىندىرار اسۋلارى مول, ءارى بيىك شىڭدار مەن مەجەلەردەن كورىنەتىنى ءسوزسىز.
ەلوردالىق قازىناشىلىق دەپارتامەنتى جەمقورلىقتىڭ الدىن الۋ جانە ونىڭ كورىنىستەرىمەن كۇرەسۋگە, سىبايلاس جەمقورلىققا قارسى ءتارتىپتى كۇشەيتۋگە جانە ءوز قىزمەتىندە ءتارتىپتى نىعايتۋعا باعىتتالعان پرەزيدەنت جۇكتەگەن مىندەتتەردى ورىنداۋ جولىندا الداعى ۋاقىتتا دا قارقىندى جۇمىس اتقاراتىن بولادى.
گۇلجان ونەربەكوۆا,
قارجى مينيسترلىگى قازىناشىلىق كوميتەتى استانا قالاسى قازىناشىلىق دەپارتامەنتىنىڭ باسشىسى