استانادا قازىرگى ۋاقىتتا ۇلى وتان سوعىسىنىڭ 10 ارداگەرى تۇرادى. جەڭىس كۇنىنە وراي ولاردىڭ ارقايسىسى 1,5 ميلليون تەڭگەدەن الادى, دەپ حابارلايدى Egemen.kz قالالىق اكىمدىكتىڭ رەسمي سايتىنا سىلتەمە جاساپ.
ەلوردادا تۇراتىن 10 ۇلى وتان سوعىسىنىڭ ارداگەرىنىڭ ەڭ ۇلكەنى – 103 جاستا, ەڭ كىشىسى – 97 جاستا. بيىل جەڭىس كۇنىنە وراي ولاردىڭ ارقايسىسىنا 1,5 ميلليون تەڭگە تولەۋ تۋرالى شەشىم قابىلداندى.
چاەس قاتىسۋشىلارى مەن مۇگەدەكتەرىنەن بولەك, جەڭىلدىكتەر بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن 436 ادام 120 750 تەڭگەدەن الادى. ولاردىڭ قاتارىندا ۇوس كەزەڭىندە قىزمەت ەتكەن 13 اسكەري قىزمەتشى, فاشيستىك گەرمانياعا قارسى ءىس-قيمىلدارعا قاتىسقان جاندار, لەنينگرادتا بلوكادا كەزەڭىندە ەڭبەك ەتكەن ازاماتتار, كونتسلاگەرلەردىڭ كامەلەتكە تولماعان تۇتقىندارى, مۇگەدەك بولعان اسكەري قىزمەتشىلەر بار.
وزگە مەملەكەتتەردىڭ اۋماعىنداعى بولعان اسكەري ءىس-قيمىلداردىڭ ارداگەرلەرىنە (اۋعانستانداعى اسكەري ءىس-قيمىلدان باسقا) - تاجىك-اۋعان ۋچاسكەسىندە, يراكتاعى حالىقارالىق بىتىمگەرشىلىك وپەراتسياسىندا, تاۋلى قاراباقتا ەتنوسارالىق قاقتىعىستى رەتتەۋگە قاتىسقان مىندەتتەردى ورىنداعان اسكەري قىزمەتشىلەرگە 35 اەك (120 750 تەڭگە) مولشەرىندە تولەمدەر كوزدەلگەن. ەلوردادا 899 ادام بار.
تىل ەڭبەككەرلەرى, قازا تاپقان اسكەري قىزمەتشىلەردىڭ وتباسىلارى, قايتىس بولعان ۇوس مۇگەدەكتەرىنىڭ جۇبايلارى 9 مامىرعا دەيىن 11 اەك (37 950 تەڭگە) مولشەرىندە تولەم الادى.
ايتا كەتەيىك, ارداگەرلەرگە ءتيىستى تولەمدەر 27 ساۋىردەن باستاپ بەرىلە باستايدى.
سونىمەن قاتار جەرگىلىكتى بيۋدجەت قاراجاتىنان ۇلى وتان سوعىسىنىڭ ارداگەرلەرىنە مىناداي قىزمەتتەر تەگىن كورسەتىلەدى:- كوممۋنالدىق قىزمەتتەر ءۇشىن اقشالاي وتەماقى, ول اي سايىن پاتەردىڭ اۋدانىنا بايلانىستى 5-تەن 8 اەك-كە دەيىنگى مولشەردە بولىنەدى;- ءدارى-دارمەكپەن قامتاماسىز ەتۋ;- مەرزىمدى باسىلىمدارعا جازىلۋعا, مونشالارعا, شاشتارازدارعا جىلىنا ءبىر رەت بارۋعا (جىل باسىندا جەكە شوتتارىنا 6,5 اەك اۋدارىلادى) الەۋمەتتىك كومەك;- ساناتوريالىق-كۋرورتتىق ەمدەۋ قىزمەتتەرى;- قالالىق جولاۋشىلار كولىگىندە جەڭىلدىكپەن جول ءجۇرۋ;- ءتىس پروتەزدەۋ قىزمەتتەرى.