قاسىم-جومارت توقاەۆ ساياسي پارتيالارمەن مەملەكەتتىك ورگانداردىڭ ءوزارا قارىم-قاتىناسىن كۇشەيتۋ كەرەكتىگىن ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«اسسامبلەيانىڭ ساياسي پارتيالارمەن جانە مەملەكەتتىك ورگاندارمەن ءوزارا قارىم-قاتىناسىن كۇشەيتۋ كەرەك. بۇل جۇمىستى ورتالىقتا جانە ايماقتاردا جۇرگىزگەن ءجون. ءبىز اۋقىمدى ساياسي رەفورمالاردىڭ ناتيجەسىندە شىنايى پىكىر الۋاندىعىنا قول جەتكىزدىك. ارينە, ءار ساياساتكەردىڭ ءوز پىكىرى بولۋى ورىندى. ەلىمىزدى دامىتۋ, كۇندەلىكتى ماسەلەلەردى شەشۋ تۋرالى كوزقاراستار ۇنەمى بىردەي بولا بەرمەيدى. بۇل – تۇسىنىكتى. الايدا ەل بىرلىگىن ساقتاۋعا كەلگەندە ءبىز جۇدىرىقتاي جۇمىلا ءبىلۋىمىز كەرەك. ەتنوسارالىق كەلىسىم ساياساتىندا ءسوز بەن ءىس ءبىر جەردەن شىعۋعا ءتيىس», دەدى مەملەكەت باسشىسى.
وسى رەتتە ول اسسامبلەيا ساياسي پارتيالارمەن اقىلداسىپ, كەڭەسىپ وتىرۋى قاجەت ەكەنىن ايتتى. سوندا ەل بىرلىگى نىعايا تۇسەدى. ەتنوسارالىق قاتىناسقا قاتىستى كەز كەلگەن ارانداتۋدىڭ جولى كەسىلەدى.