وسكەمەن قالاسىنداعى كوپقاباتتى ۇيلەردىڭ بىرىنەن ءورت شىقتى. ق.بىتىباەۆا كوشەسىندەگى تۇرعىن ءۇيدىڭ تەرەزەسىنەن قاتتى ءتۇتىندى بايقاعان كۋاگەرلەر دەرەۋ ءورت ءسوندىرۋ قىزمەتىنە حابارلاسقان, دەپ جازادى Egemen.kz.
ءورت سوندىرۋشىلەر وقيعا ورنىنا 6 مينۋت ىشىندە جەتكەن. وبلىستىق توتەنشە جاعدايلار قىزمەتىنىڭ مالىمەتىنشە, ءورت جوعارى قاباتتاردىڭ بالكوندارىنا تاراعان. قالىڭ, قارا ءتۇتىن بۇكىل كىرەبەرىستى شارپىعان.
ء«ورت سوندىرۋشىلەر جەتى ادامدى قۇتقاردى, ونىڭ ەكەۋى مۇگەدەك بولسا, تاعى ەكەۋى - بالا. سونداي-اق بەس تۇرعىنعا ءتۇتىندى كىرەبەرىستەن ەۆاكۋاتسيالانۋعا كومەك كورسەتىلدى. ءورت وشاعى بولعان پاتەردە 1952 جىلى تۋعان ەر ادامعا اپاتتار ورتالىعى مەن جەدەل جاردەم دارىگەرلەرى العاشقى مەديتسينالىق كومەك كورسەتىپ, اۋرۋحاناعا جەتكىزدى. جالىن شامامەن 5 بالكوندى شارپىعان», دەدى شقو تجد ءباسپاسوز قىزمەتى.