پاۆلودار وبلىسىندا جول اپاتىنان 40 جاستاعى ايەل ادام قازا تاپتى, دەپ حابارلايدى Egemen.kz.
وقيعا 25 ءساۋىر ساعات 15:30 شاماسىندا استانا-پاۆلودار تاسجولىنىڭ 1207/142 شاقىرىمىندا ەكىباستۇز قالاسى بايەت اۋىلى ماڭىندا بولعان.
47 جاستاعى Hyunday Solaris اۆتوكولىگىنىڭ جۇرگىزۋشىسى ءرولدى باسقارا الماي, Daimler Chrysler جۇك كولىگىنىڭ تىركەمەسىنىڭ ارتقى بولىگىنە سوقتىعىسقان. اپات سالدارىنان Hyunday كولىگىنىڭ 40 جاستاعى جولاۋشىسى العان جاراقاتتارىنان وقيعا ورنىندا قايتىس بولدى, 16 جاستاعى جولاۋشى اۋرۋحاناعا جاتقىزىلدى.
كولىكتەر ارنايى تۇراققا قويىلدى. ساراپتاما تاعايىندالدى. تەكسەرىس جۇرگىزىلىپ جاتىر.