25 ءساۋىر كۇنى كەشكى ۋاقىتتا اقتوبە وبلىسى تەمىر اۋدانىنىڭ شۇبارقۇدىق كەنتىندە ەكى قاباتتى تۇرعىن ۇيدە ءورت شىقتى, دەپ حابارلادى Egemen.kz اقتوبە وبلىسى تجد ءباسپاسوز قىزمەتىنە سىلتەمە جاساپ.
اقتوبە وبلىسى توتەنشە جاعدايلار دەپارتامەنتىنىڭ حابارلاۋىنشا, قۇتقارۋشىلار پاتەردەن سەگىز ادامدى قۇتقارعان, ونىڭ ىشىندە ءبىر بالا بولعان. زارداپ شەككەندەر جوق.
ءورت سوندىرۋشىلەر شۇعىل كەلگەن كەزدە تۇرعىن ءۇيدىڭ قوناق بولمەسى ورتەنىپ جاتقان.
ء«ورتتى سوندىرۋگە جەكە قۇرامنان 5 قۇتقارۋشى مەن ءورت ءسوندىرۋ تەحنيكاسى جۇمىلدىرىلدى. ءورت ساعات 18:28-دە ءسوندىرىلدى. ءورت الاڭى 20 شارشى مەتردى قۇرادى. ءورتتىڭ شىعۋ سەبەبى – ءۇي يەلەرى ماي شام جاعىپ, قاراۋسىز قالدىرعان», دەلىنگەن حابارلامادا.