تۇركىستان وبلىسىنىڭ پوليتسەيلەرى ەسىرتكى قۇرالدارىنىڭ اينالىمىن توقتاتۋ جونىندە جەدەل-پروفيلاكتيكالىق ءىس-شارالار كەشەنىن وتكىزىپ جاتىر. اتالعان ءىس-شارا بارىسىندا ترامادولدى زاڭسىز ساقتاۋعا جانە حالىق اراسىندا وتكىزۋگە قارسى ءىس-قيمىل بويىنشا رەيد وتكىزىلدى, دەپ حابارلايدى Egemen.kz.
تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى كەلەس اۋداندىق پوليتسيا بولىمىمەن بىرلەسىپ, جولداردىڭ بىرىندە ۆاز-2107 اۆتوكولىگىن توقتاتتى.
كولىكتە وتىرعان جولاۋشىنى تەكسەرۋ كەزىندە 200-دەن استام ترامادول تابلەتكاسىن تابىلىپ, تاركىلەندى. ءتيىستى ساراپتاما تاعايىندالدى. جەدەل ۋاكىلدەر وقيعانىڭ ءمان-جايىن انىقتاپ جاتىر.
ايتا كەتسەك, تەك ەكى تاۋلىك ىشىندە سارىاعاش جانە كەلەس اۋداندارىندا ترامادول پرەپاراتىن زاڭسىز ساقتاۋ مەن ساتۋدىڭ 7 دەرەگى انىقتالدى.
پوليتسەيلەر زاڭسىز اينالىمنان 350-گە جۋىق پسيحوتروپتىق تابلەتكا تاركىلەدى.
اتالعان فاكتىلەر قر قك-ءنىڭ 296-بابى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) مەن قر قك-ءنىڭ 297-بابى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا تىركەلىپ, تەرگەۋ امالدارى باستالدى.