پرەمەر-مينيستر ءاليحان سمايىلوۆتىڭ توراعالىعىمەن وتكەن ۇكىمەت وتىرىسىندا مەملەكەت باسشىسىنىڭ تاپسىرماسىمەن ازىرلەنگەن «قولجەتىمدى ينتەرنەت» ۇلتتىق پيلوتتىق جوباسىن ىسكە اسىرۋ جوسپارلارى قارالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«مەملەكەت باسشىسىنىڭ تاپسىرماسى بويىنشا قۋاتتى دەرەكتەر ورتالىقتارى مەن ترانسشەكارالىق تالشىقتى-وپتيكالىق ماگيسترالدارى بار تسيفرلىق حابقا اينالۋى ءتيىس. ۇلتتىق جوبانىڭ وسى ماقساتتارىنا بيۋدجەتتەن 5 جىل ىشىندە شامامەن 560 ملرد تەڭگە ءبولۋ جوسپارلانۋدا», دەدى پرەمەر-مينيستر.
سونداي-اق ۇكىمەت باسشىسى بايلانىس وپەراتورلارى مىندەتتەمەلەرىنىڭ ساقتالۋىن ەسكەرە وتىرىپ, بارلىق جەردە بايلانىس ساپاسى مەن ينتەرنەت جىلدامدىعىنىڭ مونيتورينگىن كۇشەيتۋ, سونداي-اق قىسقا مەرزىمدە ۇلتتىق جوبانى پىسىقتاپ, ونى پرەزيدەنت اكىمشىلىگىنە بەكىتۋگە ۇسىنۋ قاجەتتىگىن اتاپ ءوتتى.