سۋداندا اسكەريلەر مەن جەدەل ارەكەت ەتۋ كۇشتەرى اراسىنداعى قاقتىعىس ءالى دە جالعاسىپ جاتىر. قازاقستاننىڭ سىرتقى ىستەر مينيسترلىگى سول ەلدەن ءۇش قازاقستان ازاماتشاسى ەۆاكۋاتسيالانعانىن حابارلادى, دەپ جازادى Egemen.kz.
قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا, ول جەردە ءبىزدىڭ ءۇش ازاماتىمىز بولعان جانە ولار سۋداننان شىعىپ كەتكەن. بۇۇ فيليالىندا جۇمىس ىستەيتىن قازاقستاندىق ايەل ەفيوپياعا اتتانعان. جاپون كومپانياسىندا جۇمىس ىستەيتىن جەرلەسىمىز دە ەۆاكۋاتسيالاندى.
قاقتىعىس كەزىندە كەم دەگەندە 413 ادام قازا تاۋىپ, 3,5 مىڭنان استام ادام جاراقات الدى. اسكەري شتاب پەن پرەزيدەنت سارايى سياقتى بىرقاتار نىساندار تۇرعىن ۇيلەرگە جاقىن ورنالاسقاندىقتان, حارتۋم تۇرعىندارى سوعىس ءجۇرىپ جاتقان ايماقتاردى پانالاۋعا ءماجبۇر.
كوپتەگەن ادام جارىقسىز, سۋسىز قالدى.
بۇعان دەيىن سۋداننىڭ ازاماتتىق اۆياتسيا باسقارماسى ەلدىڭ اۋە كەڭىستىگىن 30 ساۋىرگە دەيىن جابۋدى بۇيىرعان ەدى.