قمدب توراعاسى, باس ءمۇفتي ناۋرىزباي قاجى تاعان ۇلىنىڭ باستاماسىمەن قاراعاندى وبلىستىق «انەت بابا» مەشىتىندە ورازا ايت مەيرامىنا وراي جاماعات اراسىندا «تۇيە پالۋان» سايىسى ءوتتى, دەپ حابارلايدى Egemen.kz.
قاراعاندى وبلىسىنىڭ باس يمامى ەستاي ايتۋعان ۇلىنىڭ ۇيىمداستىرۋىمەن وتكەن ءدۇبىرلى دودادا مەشىت جاماعاتىنان قۇرالعان پالۋاندار باق سىناستى.
سايىستا جۇزدەن جۇيرىك قارسىلاستارىنان وزعان پالۋاندار قارجىلاي سىيلىقتارمەن ماراپاتتالدى.
مىڭنان تۇلپار, جۇزدەن جۇيرىك اتانىپ, ءبىرىنشى ورىندى قانجىعاسىنا بايلاعان سايىس جەڭىمپازى ەرسىن سەرىك ۇلىنا ۇمرا قاجىلىعىنىڭ جولداماسى تارتۋ ەتىلدى.
ال ەكىنشى ورىن مۇحتار دالەلحان ۇلىنا بۇيىردى. پالۋان 250 000 تەڭگەنى ولجالادى.
جۇلدەلى ءۇشىنشى ورىن العان اقجىگىت التىنبەك ۇلى 150 000 تەڭگەنى يەلەندى.