بۇل سۇراققا قازاقستان مۇسىلماندارى ءدىني باسقارماسى جاۋاپ بەردى, دەپ حابارلايدى Egemen.kz.
پايعامبارىمىز (وعان اللانىڭ سالاۋاتى مەن سالەمى بولسىن): «كىمدە-كىم رامازان ايىنىڭ ورازاسىنان سوڭ, ارتىنشا ءشاۋال ايىندا 6 كۇن ورازا ۇستاسا, ءبىر جىل ورازا ۇستاعانداي بولادى» دەپ, بۇل ايدا ۇستالاتىن ورازانىڭ مول ساۋابىمەن سۇيىنشىلەگەن ء(مۇسليم).
بۇل ورازا ساۋابىنىڭ ءبىر جىلعا پارا-پار كەلۋىن بىلايشا تۇسىندىرۋگە بولادى. قۇراندا «انعام» سۇرەسىنىڭ 160-اياتىندا: «كىمدە-كىم اللانىڭ الدىنا ءبىر عانا جاقسىلىقپەن كەلسە, وعان سول جاقسىلىعى ءۇشىن ون ەسە ساۋاپ جازىلادى» دەلىنگەن. عالىمدار ءشاۋال ايىنداعى التى كۇن ورازانىڭ ءبىر جىلدىق ساۋابىن وسى اياتپەن بايلانىستىرادى.
رامازان ايىنداعى وتىز كۇن مەن ءشاۋال ايىنداعى التى كۇن قوسىلعاندا, وتىز التى كۇن بولادى. بۇل سان ون ەسەگە كوبەيتىلسە, ءۇش ءجۇز الپىس كۇندى قۇرايدى. ءبىر جىلدىڭ قالعان بەس كۇنى ورازا ۇستاۋعا بولمايدى: رامازان ايتىنىڭ العاشقى كۇنى مەن قۇربان ايتتىڭ ءتورت كۇنى. ورازانىڭ ءاربىر كۇنى ون ەسە مولايسا, وندا وتىز التى كۇندىك ورازادا ءبىر جىل اۋىز بەكىتۋدىڭ ساۋابى بار دەگەن ءسوز.