قاسىم-جومارت كەمەل ۇلى سۋبسيدياداعى جەمقورلىق ماسەلەسىنە توقتالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت سۋبسيديا ءوزىنىڭ ماقساتىندا جۇمسالماي وتىرعانىن, بولىنگەن قاراجات دىتتەگەن جەرىنە جەتپەي قولدى بولاتىنىن ايتتى.
«2019-2021 جىلدارى ءونىم وڭدەۋگە بەرىلگەن سۋبسيديانى الايىق. بۇل قاراجاتتىڭ تەڭ جارتىسى سۋبسيديا الام دەۋشىلەردىڭ 10 پايىزىنىڭ عانا قولىنا تيگەن. سۋبسيديا العان كەيبىر پىسىقايلار ءوندىرىستى وركەندەتۋدىڭ ورنىنا بيۋدجەت قارجىسىن قالتاسىنا باسىپ, شالقىپ ءومىر سۇرگەن. ال قاراپايىم شارۋالار ءۇشىن سۋبسيديا الۋ – قيامەتتىڭ قيىنى. ونىڭ ۇستىنە, سۋبسيديا بەرۋ جۇيەسى وتە كۇردەلى جانە قاجەتتى مالىمەت كوپشىلىككە قولجەتىمدى ەمەس. سۋبسيديا ءبولۋدى رەتتەيتىن جاڭا تسيفرلىق جۇيە بۇل تۇيتكىلدى شەشە الماي تۇر», دەدى قاسىم-جومارت توقاەۆ.