ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە ەلوردا اكىمى جەڭىس قاسىمبەك نۇرا جەراستى سۋ قۇبىرىنىڭ قۇرىلىسى باستالاتىنىن ايتتى, دەپ حابارلايدى Egemen.kz.
«ەڭ ماڭىزدى ماسەلەلەردىڭ ءبىرى ول – ەلورداداعى ازىق-ت ۇلىك تاۋارلارىنا باعانى تۇراقتاندىرۋ. قالا كورشىلەس وڭىرلەرمەن ازىق-ت ۇلىكپەن قامتاماسىز ەتۋ بويىنشا ناقتى جۇمىس جۇرگىزۋدە. جىل باسىنان بەرى الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ يندەكسى 104,5 پايىزدى قۇرادى. قازىرگى كۇنى جاعداي تۇراقتالدى. سوڭعى ەكى ايدا كورسەتكىش 100,3 پايىزدى قۇرادى», دەدى جەڭىس قاسىمبەك.
ونىڭ اتاپ وتۋىنشە, وسى جىلدىڭ سوڭىنا دەيىن ەلوردانى دامىتۋدىڭ 2035 جىلعا دەيىنگى جاڭا باس جوسپارى ازىرلەنۋدە. وندا تۇرعىندار ءۇشىن قولايلى جاعداي جاساۋعا باسا نازار اۋدارىلادى.
ء«سىزدىڭ (پرەزيدەنت قاسىم-جومارت توقاەۆتىڭ) قولداۋىڭىزدىڭ ناتيجەسىندە قالانى ودان ءارى دامىتۋ ءۇشىن بىرقاتار ماڭىزدى ينفراقۇرىلىمدىق جوبا اياقتالىپ كەلەدى. ولار جالپى قۋاتتىلىعى ساعاتىنا 1130 گيگاكالوريانى قۇرايتىن ءۇشىنشى جىلۋ ەلەكتر ورتالىعى قۇرىلىسىنىڭ 1-ءشى كەزەگى مەن ەكى گاز جىلۋ ستانتسياسىنىڭ, سونىمەن قاتار تاۋلىگىنە قوسىمشا 105 مىڭ تەكشە مەتر سۋ بەرەتىن ءۇشىنشى ناسوس-فيلتر ستانتسياسىنىڭ قۇرىلىسى. بۇل جوبا وسى جىلدىڭ شىلدەسىندە اياقتالادى. Cۋمەن تۇراقتى قامتاماسىز ەتۋ ءۇشىن نۇرا جەراستى سۋ قۇبىرىنىڭ قۇرىلىسى مەن تەلمان سورعى ستانتسياسىن كەڭەيتۋ بويىنشا جوبالاردى جۇزەگە اسىرۋدى باستايمىز, سونداي-اق ساتباەۆ اتىنداعى كانالدان سۋ الۋدى كوزدەيتىن ءتورتىنشى ناسوس-فيلتر ستانتسياسىن جوبالاۋدى جوسپارلاپ وتىرمىز», دەدى ول.