جاڭاقورعان اۋداندىق ءبىلىم ءبولىمىنىڭ باسشىسى مەن بۋحگالتەرى بىلىم بەرۋ مەكەمەلەرىنىڭ قىزمەتكەرلەرى بولىپ تابىلمايتىن تۇلعالاردىڭ ەسەپ-شوتتارىنا ەڭبەكاقى تۇرىندەگى اقشالاي قاراجاتتى اۋدارۋ ارقىلى 543 ملن تەڭگە سوماسىندا بيۋدجەت قاراجاتىن جىمقىردى, دەپ حابارلايدى Egemen.kz انتيكوردىڭ ءباسپاسوز قىزمەتىنە سىلتەمە جاساپ.
قىزىلوردا وبلىسى بويىنشا سىبايلاس جەمقورلىققا قارسى قىزمەت قك-ءنىڭ 189-بابى 4-بولىگى, 2-تارماعى بويىنشا جاڭاقورعان اۋداندىق ءبىلىم ءبولىمىنىڭ باسشىسى مەن بۋحگالتەرىنە قاتىستى قىلمىستىق ءىستى تەرگەپ جاتىر.
ولار ءبىلىم بەرۋ مەكەمەلەرىنىڭ قىزمەتكەرلەرى بولىپ تابىلمايتىن تۇلعالاردىڭ ەسەپ-شوتتارىنا ەڭبەكاقى تۇرىندەگى اقشالاي قاراجاتتى اۋدارۋ ارقىلى 543 ملن تەڭگە سوماسىندا بيۋدجەت قاراجاتىن جىمقىردى دەپ كۇدىكتەلۋدە.
قىزىلوردا قالاسىنىڭ مامانداندىرىلعان تەرگەۋ سوتىنىڭ سانكتسياسىمەن كۇدىكتىلەر قاماۋعا الىندى.
قىلمىستىق پروتسەستىك كودەكستىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
سونىمەن بىرگە كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ارقايسىسى كىناسىز دەپ ەسەپتەلەدى.