قازاقستاندا مەملەكەتتىك قىزمەتكە كىرۋ كەزىندە قازاق ءتىلىن بىلۋگە ارنالعان تەست تاپسىرۋ مىندەتتى بولۋى مۇمكىن. ءتيىستى قۇجات «اشىق نقا» پورتالىندا جاريالاندى, دەپ حابارلايدى Egemen.kz.
قر عىلىم جانە جوعارى ءبىلىم مينيسترلىگى ءتىل ساياساتى كوميتەتىنىڭ پورتالىندا «قازاقستان رەسپۋبليكاسىندا ءتىل ساياساتىن دامىتۋدىڭ 2023-2029 جىلدارعا ارنالعان تۇجىرىمداماسىن بەكىتۋ تۋرالى» ۇكىمەت قاۋلىسىنىڭ جوباسىن ورنالاستىردى.
«مەملەكەتتىك قىزمەتشىلەرگە, قىزمەت كورسەتۋ ورگاندارىنا جانە ت.ب. قىزمەتكە كىرۋ كەزىندە «قازتەست» جۇيەسى ارقىلى زاڭنامالىق تەستىلەۋدەن ءوتۋ مىندەتتەرى ەنگىزىلمەگەن. بۇل ماسەلەنى قولدانىستاعى نورماتيۆتىك-قۇقىقتىق اكتىلەرگە ءتيىستى وزگەرىستەر ەنگىزۋ ارقىلى شەشۋ قاجەت», دەلىنگەن قۇجاتتا.
مەملەكەتتىك ءتىلدى مەڭگەرۋ دەڭگەيىن انىقتاۋ ماقساتىندا مەملەكەتتىك جانە مەملەكەتتىك ەمەس ۇيىمداردا جۇمىس ىستەيتىن سالا ماماندارى «قازتەست» سەرتيفيكاتىن الۋعا مىندەتتەيتىن نورمالاردى ەنگىزۋدى پىسىقتايتىنى ايتىلدى.
جوبا 25 ساۋىرگە دەيىن قوعامدىق تالقىلاۋدا بولادى.