قر يدم اقتاۋ تەڭىز ساۋدا پورتىنا حالىقارالىق ماڭىزى بار تەڭىز پورتى مارتەبەسىن بەرۋ جانە ۇكىمەتتىڭ كەيبىر شەشىمدەرىنە وزگەرىستەر ەنگىزۋ تۋرالى ۇكىمەت قاۋلىسىن دايىندادى, دەپ حابارلايدى Egemen.kz.
«اقتاۋ تەڭىز ساۋدا پورتىنا حالىقارالىق ماڭىزى بار تەڭىز پورتى مارتەبەسىن بەرۋ», دەلىنگەن قۇجاتتا.
سونىمەن قاتار, قۇجاتتا «اقتاۋ تەڭىز ساۋدا پورتى» ۇلتتىق كومپانياسى» اق-نى «اقتاۋ حالىقارالىق» ۇلتتىق كومپانياسى» اق-عا قايتا اتاۋ تۋرالى جازىلعان.
تۇسىندىرىلگەندەي, جوبا مەملەكەت باسشىسى قاسىم-جومارت توقاەۆتىڭ 2022 جىلعى 5 شىلدەدەگى جاڭا گەوساياسي جاعدايلاردا رەسپۋبليكانىڭ كولىك-ترانزيتتىك الەۋەتىن دامىتۋ جونىندەگى كەڭەستىڭ قورىتىندىسى بويىنشا جۇكتەگەن تاپسىرماسىنا سايكەس ازىرلەندى. اتاپ ايتقاندا, پرەزيدەنت تەڭىز پورتتارىن كاسپي تەڭىزىنىڭ جەتەكشى حابتارىنىڭ بىرىنە اينالدىرۋدى تاپسىردى.
قۇجات 27 ساۋىرگە دەيىن «اشىق نقا» پورتالىندا ورنالاستىرىلعان.
بۇعان دەيىن اقتاۋ تەڭىز ساۋدا پورتى حالىقارالىق مارتەبەگە يە بولدى, الايدا 2018 جىلدىڭ قىركۇيەگىندە ۇكىمەت قاۋلىسى بويىنشا ودان ايىرىلعان.