قازاقستاندا جەر قويناۋىن پايدالانۋ قۇقىعىن بەرۋگە ارنالعان اۋكتسيون وتكىزۋگە وتىنىشتەردى قابىلداۋ باستالدى, دەپ حابارلايدى Egemen.kz ەنەرگەتيكا مينيسترلىگى ءباسپاسوز قىزمەتىنە سىلتەمە جاساپ.
2023 جىلعى 24 ناۋرىزدا مەملەكەتتىك جەر قويناۋى قورىن باسقارۋ باعدارلاماسى (مجققبب) بەكىتىلدى, وعان كومىرسۋتەكتەر بويىنشا 56 جەر قويناۋى ۋچاسكەسى ەنگىزىلدى.
قازىرگى تاڭدا جەر قويناۋى قۇقىعىن الۋعا مۇددەلى بارلىق تۇلعالار اۋكتسيون وتكىزۋگە ارنالعان ءوتىنىشتى «اقپاراتتىق-ەسەپتەۋ ورتالىعى» اق ەلەكتروندىق اۋكتسيوندار وپەراتورىنىڭ سايتىندا بەرە الادى
اۋكتسيون نەگىزىندە كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋدىڭ شارتتارى مەن ءتارتىبى «جەر قويناۋى جانە جەر قويناۋىن پايدالانۋ تۋرالى» قر كودەكسىنىڭ (بۇدان ءارى – كودەكس) 93-99-باپتارىندا جانە كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋگە ارنالعان ەلەكتروندىق اۋكتسيوندار وپەراتورىنىڭ ينتەرنەت-رەسۋرسىن پايدالانا وتىرىپ, ەلەكتروندىق نىساندا اۋكتسيون وتكىزۋ قاعيدالارىندا (قر ەنەرگەتيكا مينيسترلىگىنىڭ 2022 جىلعى 29 جەلتوقسانداعى №439 بۇيرىعى) كوزدەلگەن.
اۋكتسيون تولىعىمەن اۆتوماتتاندىرىلعان, ياعني اشىقتىقتى قامتاماسىز ەتۋ ءۇشىن تەك ەلەكتروندى فورماتتا وتكىزىلەدى.
اۋكتسيون وتكىزۋگە ارنالعان وتىنىشتەر كودەكستىڭ 94-بابىنىڭ 1-تارماعىنا سايكەس مەملەكەتتىك جەر قويناۋى قورىن باسقارۋ باعدارلاماسىنا اۋكتسيون بولىگىندە ەنگىزىلگەن جەر قويناۋى ۋچاسكەلەرى بويىنشا قابىلدانادى.
قۇزىرەتتى ورگان كومىرسۋتەكتەر بويىنشا جەر قويناۋىن پايدالانۋ قۇقىعىن الۋعا مۇددەلى تۇلعالاردان اۋكتسيون وتكىزۋگە بەرىلگەن وتىنىشتەردى قاراۋ قورىتىندىلارى بويىنشا قۇزىرەتتى ورگاننىڭ سايتىندا كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋگە ارنالعان ەلەكتروندىق اۋكتسيون وتكىزۋ تۋرالى حابارلامانى (بۇدان ءارى – حابارلاما) جاريالايدى. حابارلامادا گەوگرافيالىق كوورديناتتار, قول قويىلاتىن بونۋستىڭ باستاپقى مولشەرى, بارلاۋ كەزەڭىندە جەر قويناۋى ۋچاسكەسىندەگى جۇمىستاردىڭ كولەمى مەن تۇرلەرى بويىنشا ەڭ تومەنگى تالاپتار جانە ولاردىڭ باعالاۋ قۇنى تۋرالى اقپاراتپەن, سونداي-اق اۋكتسيونعا قاتىسۋعا وتىنىشتەر بەرۋ مەرزىمدەرى, اۋكتسيوندى وتكىزۋ كۇنى مەن ۋاقىتى تۋرالى اقپاراتپەن تانىسۋعا بولادى.
«وتىنىشتەردى قالىپتاستىرۋ جانە بەرۋ ءۇشىن جەكە جانە زاڭدى تۇلعالارعا ەلەكتروندىق-تسيفرلىق قولتاڭبا قاجەت ەكەنىن قوسىمشا حابارلايمىز», دەلىنگەن حابارلامادا.