قازاقستان ازاماتتارى مەملەكەتتىك شەكارادان وتكەن سوڭ قىتاي اۋماعىندا 30 كۇنگە دەيىن ۆيزاسىز بولا الادى. مۇنداي ەرەجە قىتاي حالىق رەسپۋبليكاسىنىڭ ازاماتتارىنا دا قاتىستى, دەپ حابارلايدى Egemen.kz.
سىرتقى ىستەر مينيسترلىگى دايىنداعان قاۋلىعا سايكەس ەكى ەل ازاماتتارى تۋريزم, ەمدەلۋ, ترانزيت نەمەسە ىسكەرلىك كەزدەسۋ ماقساتىندا كورشى ەلدە 30 تاۋلىككە دەيىن بولسا, ۆيزا تالاپتارىنان بوساتىلادى.
ەگەر قازاقستان مەن قىتاي ازاماتى كورشى ەلدە بەلگىلەنگەن مەرزىمنەن ۇزاعىراق قالعىسى كەلسە, شەكارانى كەسىپ وتكەنگە دەيىن ۆيزاعا ءوتىنىش بەرۋى قاجەت.
سونىمەن قاتار قاۋلى بويىنشا تاراپتاردىڭ ءبىرى ۇلتتىق قاۋىپسىزدىك, قوعامدىق ءتارتىپتى نەمەسە حالىقتىڭ دەنساۋلىعىن ساقتاۋ ماقساتىندا ەلگە كىرۋ كەزىندە قۇجات بەرۋدەن باس تارتۋعا قۇقىلى. ەكى ەل اراسىنداعى كەلىسىمگە 2023 جىلدىڭ مامىرىندا, سىرتقى ىستەر ءمينيسترى مۇرات نۇرتىلەۋدىڭ قىتايعا ساپارى كەزىندە قول قويىلادى. ال قۇجاتتىڭ ءماتىنى 26 ساۋىرگە دەيىن قوعام تالقىسىندا بولماق.