ۇلتتىق مۋزەيدە مەملەكەت قايراتكەرى تەمىربەك جۇرگەنوۆتىڭ 125 جىلدىق مەرەيتويىنا وراي «ت.جۇرگەنوۆ جانە قازاق رۋحانياتى» تاقىرىبىندا دوڭگەلەك ۇستەل ءوتىپ, جۋرناليست مايا بەكباەۆانىڭ «ت.جۇرگەنوۆتىڭ ءومىرى مەن قىزمەتى» دەرەكتى ءفيلمىنىڭ تۇساۋى كەسىلدى.
سالتاناتتى جيىندى ۇلتتىق مۋزەي ديرەكتورىنىڭ عىلىمي جۇمىستار جونىندەگى ورىنباسارى اقمارال يبراەۆا كىرىسپە سوزبەن اشىپ, كونفەرەنتسيا جۇمىسىنا ساتتىلىك تىلەدى.
ءىس-شارا بارىسىندا عالىم باۋىرجان يمانعاليەۆ «ناركوم ت.جۇرگەنوۆتىڭ ادەبي-پۋبليتسيستيكالىق مۇراسى» اتتى بايانداماسىندا: «تەمىربەك جۇرگەنوۆ – ويى ۇشقىر, قالامى قارىمدى پۋبليتسيست. ونىڭ جازۋشىلىق قىزمەتىن قايراتكەرلىك قىزمەتىنەن, قالام ساپاسىن قايراتكەرلىك ساپاسىنان ءبولىپ الىپ قاراۋعا كەلمەيدى» دەپ قايراتكەردىڭ قوعامدىق-الەۋمەتتىك قىزمەتى ءبىرشاما زەرتتەلسە دە, ونىڭ قالامگەرلىك قارىمى نازاردان تىس قالىپ قويماۋىن باسا ايتتى.
ال س.سەيفۋللين مۋزەيىنىڭ ديرەكتورى, پروفەسسور مارات ابسامەت پەن ارداگەر-ۇستاز ءسابيت يمانعاليەۆ ت.جۇرگەنوۆتىڭ جارى, قازاق كسر-ءنىڭ ەڭبەك سىڭىرگەن دارىگەرى دامەش ەرمەكوۆانىڭ ونەگەلى ومىرىمەن تانىستىرىپ, ەستەلىكتەرىمەن ءبولىستى.
ت.جۇرگەنوۆ اتىنداعى قوعامدىق قوردىڭ توراعاسى ءسابي اڭسات اشتىقتان تۇرالاعان حالىقتىڭ رۋحىن وياتۋدا تۇلعانىڭ ەڭبەگى زور ەكەندىگىن ايتتى. «1936 جىلى ماسكەۋدە وتكەن مادەنيەت دەكاداسىندا قازاق ۇلتىنىڭ رۋحى بيىك, ونەرى مەن ادەبيەتىنىڭ ەشبىر ەلدەن كەم ەمەستىگىن دالەلدەي ءبىلۋى جۇرگەنوۆتىڭ قايسار قايراتكەرلىگى مەن وراسان زور ىسكەرلىگى, ايرىقشا ۇيىمداستىرۋشىلىق قابىلەتىنىڭ ارقاسىندا مۇمكىن بولعانىن ۇمىتپاۋىمىز كەرەك», دەدى ول.
اتالعان كونفەرەنتسيا جۋرناليست مايا بەكباەۆانىڭ باستاماسىمەن تۇسىرىلگەن «ت.جۇرگەنوۆتىڭ ءومىرى مەن قىزمەتى» تۋرالى دەرەكتى ءفيلمنىڭ كورسەتىلىمىمەن جالعاستى.
كۇيشى جانعالي ءجۇزباي قايراتكەردىڭ قازاق مۋزىكاسىنا سىڭىرگەن ەڭبەگىنە توقتالىپ, ەلىمىزدە العاشقى مۋزىكا تەاترىن ۇيىمداستىرۋعا قوسقان ۇلكەن ۇلەسىن اتاپ ءوتتى.
ءىس-شارا سوڭىندا جۇرگەنوۆتانۋشى عالىمدار مەن بەلگىلى قوعام قايراتكەرلەرى پىكىر الماسىپ, كونفەرەنتسيانى قورىتىندىلادى.