ادىلەت ءمينيسترى ازامات ەسقاراەۆ eGov جاڭا ونلاين سەرۆيسىنىڭ ەنگىزىلۋىنە بايلانىستى نوتاريۋستار قانشالىقتى شىعىنعا ۇشىراۋى مۇمكىن دەگەن سۇراققا جاۋاپ بەردى, دەپ حابارلايدى Egemen.kz.
ء«بىز بۇل ءساتتى پىسىقتادىق. نوتاريۋستىڭ بارلىعى جۇمىس ىستەيدى. تابىس تومەندەمەيدى. بۇل «win-win», نوتاريۋستار ءۇشىن دە ءتيىمدى, حالىققا دا ىڭعايلى», دەپ ءتۇسىندىردى مينيستر.
ول نوتاريات قىزمەتىنىڭ قۇنى ساقتالاتىنىن جانە ولارعا جۇگىنگەن ازاماتتار بۇل قىزمەت قۇنىن بانك وتىنىشتەر ارقىلى ونلاين تولەيتىنىن اتاپ ءوتتى. ونىڭ ايتۋىنشا, اقشا تىكەلەي نوتاريۋستارعا تۇسەدى.
ازامات ەسقاراەۆ «تسيفرلىق نوتاريۋس» پيلوتتىق جوبا ەكەنىن جانە باستاپقىدا سەنىمحاتتاردىڭ كەيبىر تۇرلەرى عانا قولجەتىمدى بولاتىنىن قوسا ايتتى.ەسكە سالايىق, بۇعان دەيىن قازاقستان ازاماتتارى ءۇشىن نوتارياتتىق قىزمەتتىڭ بارلىق ءتۇرى eGov Mobile ارقىلى ونلاين رەجيمىندە قولجەتىمدى بولاتىنىن حابارلاعان ەدىك.