جەكسەنبىگە قاراعان ءتۇنى اۋكتسيوننان كەيىن جۇك كولىگىنە وتىرعان 13 ساۋداگەر قازا تاۋىپ, تاعى ەكەۋى جاراقات الدى. وقيعا تانزانيانىڭ وڭتۇستىگىندەگى رۋۆۋما ايماعىندا جۇك كولىگىنىڭ وزەنگە قۇلاۋى سالدارىنان ورىن الدى, دەپ حابارلايدى Egemen.kz سينحۋا اقاپارات اگەنتتىگىنە سىلتەمە جاساپ.
رۋۆۋما ايماعىنىڭ پوليتسيا باسشىسى ماركو چيگليا وقيعا جەكسەنبى كۇنى جەرگىلىكتى ۋاقىت بويىنشا كەشكى ساعات 21:00-دە بولعانىن ايتتى. ءسوز بولىپ وتىرعان جۇك كولىگى تىك توبەدەن شىعىپ كەلە جاتىپ, اۋدارىلىپ, نجوكا وزەنىنە قۇلاعان.
«ساۋداگەرلەر ندونگوزي اۋىلىنداعى تاۋار اۋكتسيونىنان سونگەا وكرۋگىنىڭ ناماتۋحي اۋىلىنا بارا جاتقان», دەدى م.چيگليا ءباسپاسوز ءماسليحاتىندا.
ونىڭ ايتۋىنشا, پوليتسەيلەر جول اپاتىنىڭ سەبەبىن انىقتاپ جاتىر.