9 جىلعا باس بوستاندىعىنان ايىرىلعان ايبولات امانجولوۆتىڭ جاقىندارى سوت شەشىمىمەن كەلىسپەيتىنىن جەتكىزدى. ولار اپەللياتسيالىق سوتقا شاعىم تۇسىرمەك, دەپ حابارلايدى Egemen.kz.
مارقۇمنىڭ تۋىستارى مەن سوتتالۋشىنىڭ اناسى تەرگەۋدىڭ ءاتۇستى جۇرگىزىلگەنىن ايتىپ, جازىقسىز ساربازدىڭ سوتتالماۋىن سۇرادى. ادۆوكات تا بۇل شەشىمنىڭ نەگىزسىز ەكەنىن اتاپ ءوتتى.
«تانىسقانىنا 4 كۇن بولعان بالالار ءبىر-ءبىرىن ءولتىرۋى مۇمكىن ەمەس, وعان موتيۆ جوق», دەيدى ادۆوكات جانار نۋسۋپباەۆا.
الىبەك قالبايدىڭ ولىمىنە كىنالى دەپ تانىلعان سارباز نەبارى 18 جاستا. ول ءۇيىنىڭ ۇلكەنى. وتباسىندا ايبولاتتان كەيىن 6 بالا بار.
ەسكە سالا كەتەيىك, بۇعان دەيىن اتىراۋلىق ساربازعا قاتىستى سوت ۇكىمى شىققانىن حابارلاعان ەدىك.