فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ 5-تۋرىندا قوستانايلىق «توبىل» ءوز الاڭىندا ەلوردالىق «استانامەن» كەزدەستى, دەپ حابارلايدى Egemen.kz.
ەكى كوماندا تۋرنير كەستەسىندە قاتارلاس كەلەدى. بۇعان دەيىن قوستانايلىق كلۋب ءۇش مارتە جەڭىپ, ءبىر مارتە تەڭ ءتۇستى.
ال ەلوردالىق كوماندا ءۇش مارتە قارسىلاستارىنان باسىم ءتۇسىپ, ءبىر مارتە جەڭىلىستىڭ اششى ءدامىن تاتتى.
سوندىقتان بۇگىنگى كەزدەسۋ تارتىستى وتەتىنى بەلگىلى ەدى. ويىن باسىنان كوماندالار گول سوعاتىن مۇمكىندىكتى ىزدەدى.
دەسە دە, ءبىرىنشى كەزەڭدە تابلوداعى ەسەپكە وزگەرىس ەنگەن جوق.
ەكىنشى كەزەڭدە دە قوس كوماندانىڭ بەلسەندىلىگى بايقالدى. ويىننىڭ 70-مينۋتىندا «استانا» شابۋىلشىسى مارين توماسوۆ كوزدەگەن نىسانادان ءمۇلت كەتكەن جوق.
وسىلايشا «توبىل» قارسىلاسىنان 0:1 ەسەبىمەن ەسە جىبەردى.