بۇرىنعى پوليتسيا پودپولكوۆنيگى تاجىكستان ازاماتىنان 300 اقش دوللارى كولەمىندە پارا الدى دەپ ايىپتالدى, دەپ حابارلايدى Egemen.kz.
2023 جىلدىڭ باسىندا بەينەۋ اۋدانى ءىىب باستىعىنىڭ ورىنباسارى پوليتسيا پودپولكوۆنيگى قۇقىق قورعاۋ ورگانىنىڭ قىزمەتكەرى لاۋازىمىندا بولا تۇرا قاساقانا, پايداقورلىق نيەتپەن تاجىكستان رەسپۋبليكاسىنىڭ ازاماتىنان قىلمىستىق ءىستى توقتاتۋ تۋرالى شەشىم قابىلداۋ ءۇشىن 300 اقش دوللارى كولەمىندەگى اقشانى پارا رەتىندە جەكە ءوزى العان, دەلىنگەن بەينەۋ اۋداندىق سوتىنىڭ ءباسپاسوز قىزمەتى تاراتقان حابارلامادا.
قر قك-ءتىڭ 366-بابىنىڭ 1-1-بولىگىنىڭ سانكتسياسىندا قۇقىق قورعاۋ ورگانىنىڭ قىزمەتكەرى نەمەسە قۇقىق قورعاۋ ورگانىندا جاۋاپتى مەملەكەتتىك لاۋازىم اتقاراتىن ادام جاساعان ءدال سول ءىس-ارەكەت – مۇلكى تاركىلەنىپ, بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ, پارانىڭ 30 ەسەلەنگەننەن 50 ەسەلەنگەنگە دەيىنگى سوماسى مولشەرىندە ايىپپۇل سالۋعا نە 6 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن. سوت سوتتالۋشى ە-نىڭ ءوز كىناسىن تولىق مويىنداۋىن, شىن نيەتىمەن وكىنۋىن جانە كامەلەتكە تولماعان بالالارىنىڭ بولۋىن قىلمىستىق جاۋاپكەرشىلىكتى جەڭىلدەتەتىن ءمان-جايلار دەپ تانىعان.