پرەمەر-مينيستر ءاليحان سمايىلوۆ ورتالىق مەملەكەتتىك ورگاندار, باس پروكۋراتۋرا, بقدا, قما جانە باسقا دا ۆەدومستۆولار باسشىلىعىنىڭ قاتىسۋىمەن ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسىن وتكىزدى, دەپ حابارلايدى Egemen.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.
قاتىسۋشىلار مۇناي-گاز سالاسىنىڭ ماڭىزدى ينفراقۇرىلىمدىق وبەكتىلەرىن مەملەكەت مەنشىگىنە قايتارۋ بارىسىن, تەمىرجول جۇك تاسىمالى نارىعىنداعى جاساندى مونوپوليالاردى جويۋ جونىندەگى شارالاردى جانە استىق تاسىمالداۋ نارىعى سۋبەكتىلەرىنىڭ جاۋاپكەرشىلىگىن ارتتىرۋ تەتىكتەرىن تالقىلادى.
پرەمەر-مينيستر الداعى ۋاقىتتا ناقتى ەكونوميكالىق ناتيجەلەرگە قول جەتكىزۋ ءۇشىن باستالعان ىستەر بويىنشا راسىمدەردى جانە جالپى ەكونوميكانىڭ نەگىزگى سەكتورلارىن دەمونوپوليزاتسيالاۋ قارقىنىن جەدەلدەتۋدىڭ ماڭىزىن اتاپ ءوتتى.