شىمكەنت-تۇركىستان تاسجولى بويى تەمىرلان اۋىلى ماڭىندا قىزىل كىتاپقا ەنگەن گرەيگ قىزعالداقتارىن جۇلۋ ورىن الىپ جاتىر, دەپ حابارلايدى Egemen.kz.
بۇل جاعداي قازىرگى كەزدە وبلىس اۋماعىندا جاپپاي ورىن الىپ جاتقان بولۋى مۇمكىن.
سونداي-اق Facebook الەۋمەتتىك جەلىسىنىڭ قولدانۋشىلارى تۇركىستان وبلىسى پوليتسيا دەپارتامەنتىنىڭ باسشىسى مۇرات قابدەنوۆكە اتالعان جاعدايعا بايلانىستى ارنايى تۇسىندىرمە جۇمىسىن جۇرگىزۋدى ۇسىندى.
«قۇرمەتتى مۇرات قابدەنوۆ مىرزا تابيعي بايلىعىمىزدى ساقتاپ قالۋ ءۇشىن قىزعالداقتاردىڭ تىعىز شوعىرلانعان اۋماقتاردا ارنايى تۇسىندىرمە جۇمىستارىن جۇرگىزسەك», دەپ جازدى الەۋمەتتىك جەلى قولدانۋشىسى.
ايتا كەتەيىك, گرەيگ قىزعالداعى – لالاگۇل تۇقىمداسىنا جاتاتىن كوپجىلدىق وسىمدىك. شوعى قىپ-قىزىل, ال ساباعى قوڭىرشاڭ كەلگەن قىزعالداقتىڭ بۇل ءتۇرىن العاش قاراتاۋ ەتەگىنەن تاپقان رەسەي باۋ-باقشا قوعامداستىعىنىڭ ديرەكتورى سامۋيل گرەيگ بولاتىن. قىزعالداقتىڭ اتى دا سول كىسىنىڭ ەسىمىمەن اتالعان.
جاپىراعى جالپاق تاسپا ءتارىزدى, كەيدە جيەگى يرەكتەلىپ, ۇستىڭگى بەتىندە قويۋ كۇلگىن تاڭبالارى بولادى. گ ۇلى دارا, قىزىل, قىزعىلت سارى ءتۇستى, كوكتەمدە گۇلدەيدى.
بۇل قىزعالداق عىلىمدا ءحىح عاسىردان بەلگىلى.
ەلىمىزدە بۇل گۇلدى اقسۋ-جاباعىلى مەن قاراتاۋ قورىعىندا, بەرقارا باۋىندا كەزدەستىرۋگە بولادى. گرەيگ قىزعالداعى مەملەكەتتىك قورعاۋعا الىنىپ, قىزىل كىتاپقا ەنگىزىلگەن.