قانت زاۋىتتارىنا – 18,3 ملرد تەڭگە

سونىڭ سوڭعىسى «اقسۋ كانت» زاۋىتى ەدى. ونىمەن الماتى اكك 2,6 ملرد تەڭگەگە تاۋار جەتكىزۋگە كەلىسىمشارتقا قول قويدى», دەدى ارمان شاققاليەۆ.

اۋىل شارۋاشىلىعى مي­نيس­ترلىگىنىڭ دەرەكتەرى بويىنشا, قازاقستاننىڭ قانت زاۋىتتارىنىڭ جالپى تاۋلىكتىك قۋاتى قانت قىزىلشاسىن وڭدەۋ بويىنشا 8,7 مىڭ توننانى جانە قامىس شيكىزاتى بويىنشا 2,4 مىڭ توننانى قۇرايدى. بۇل رەتتە ەلىمىزدە قانتتى جىلدىق تۇتىنۋ – 530-550 مىڭ توننا, وتاندىق شيكىزات ەسەبىنەن قامتاماسىز ەتۋ – 10%-دان از.

«2022 جىلى ىشكى نارىقتى وتاندىق شيكىزاتتى قايتا وڭدەۋ ەسەبىنەن قانتپەن قامتاماسىز ەتۋ 51%-دى قۇرادى, ونىڭ ىشىندە قىزىلشا قانت ەسەبىنەن – 6% (33 مىڭ توننا). بيىل زاۋىتتار 400-450 مىڭ تونناعا جۋىق قانت ءوندىرۋدى جوسپارلاپ وتىر, ونىڭ ىشىندە 50 مىڭ توننا قىزىلشا شيكىزاتىنان, قالعان كولەمى شيكى قامىس قان­تىنان وندىرىلمەك. وسى ماق­سات­تا جامبىل جانە جەتىسۋ وبلىستارىنىڭ اكىم­دىك­تەرى قانت قىزىلشاسىنىڭ ەگىس ال­قاپ­­تارىن 6,5 مىڭ گەكتارعا (11,6 توننا گەكتاردان 18,1 توننا گەكتارعا دەيىن) كە­ڭەي­تۋ جۇمىستارىن جۇرگىزۋدە», دەدى اۋىل شار­ۋاشىلىعى ۆيتسە-ءمينيسترى ەربول تاسجۇرەكوۆ.

سونىمەن قاتار قانت سالاسىن قولداۋ ءۇشىن اۋىل شارۋاشىلىعى مينيسترلىگى وڭدەۋگە تاپسىرىلعان قانت قىزىلشاسىنىڭ كولەمى ءۇشىن سۋبسيديالار نورماتيۆتەرىن تونناسىنا 15 مىڭ تەڭگەدەن 25 مىڭ تەڭگەگە دەيىن ۇلعايتتى.

2022 جىلى جەتىسۋدا ور­نا­لاس­قان اقسۋ قانت زاۋى­تى­نىڭ جۇمىسى توقتاتىلدى. قازىر زاۋىتتا قۋاتى ايىنا 10 مىڭ توننا قامىس شيكىزاتىن وڭدەۋ جەلىسىن ورناتۋ جۇمىستارى جۇرگىزىلۋدە. جەتىسۋ اكىمدىگىنىڭ مالىمەتىنشە, زاۋىتتا 3 مىڭ توننا قامىس شيكىزاتى ساتىپ الىنعان, «اقسۋ كانت» جشس قامىس شيكىزاتىن قايتا وڭ­دەۋ بو­يىنشا تەحنولوگيالىق جە­لىنىڭ دايىندىعى – 98% دەڭ­گە­يىندە.

قولدانىستاعى پروبلە­ما­لاردىڭ ءبىرى – قانتتىڭ سوڭعى قۇنىنا اسەر ەتەتىن مازۋت­تىڭ جوعارى قۇنى. ءوز تاراپىنان ەنەرگەتيكا ۆيتسە-ءمي­نيسترى ماعزۇم ماعاۋوۆ قازىرگى ۋا­قىتتا مازۋت باعاسى ءىرى شي­كى­زات يەگەرلەرى اراسىندا 100-دەن 130 تەڭگە/كگ-عا دەيىن تو­مەن­دە­گە­نىن حابارلادى. ول شيكىزات يەلەرىنىڭ وسى باعالار بويىنشا كەلىسىمشارت جاساسۋعا دايىن ەكەنىن راستادى.