قازاقستاندىق گيمناست زەينوللا ىدىرىسوۆ تۇركيانىڭ انتاليا قالاسىندا جاسوسپىرىمدەر اراسىندا ءوتىپ جاتقان الەم چەمپيوناتىندا قولا جۇلدەگەر اتاندى, دەپ حابارلايدى Egemen.kz.
«سپورتتى دامىتۋ ديرەكتسياسى» رمقك ءباسپاسوز قىزمەتى حابارلاعانداي, ز.ىدىرىسوۆ ات سناريادىندا 14.066 بالمەن ۇزدىك ۇشتىككە ىلىكتى.
اتالعان جارىستا ارمەنيالىق سپورتشىلار العا وزدى. گاملەت مانۋكيان (14.633) چەمپيون اتانسا, ماميكون حاچاتۋريان (14.100) كۇمىس جۇلدەگە يە بولدى.
ايتا كەتسەك, بۇل – قازاقستان سپورتشىلارىنىڭ گيمناستيكا تاريحىندا جاسوسپىرىمدەر اراسىندا الەم چەمپيوناتىنداعى العاشقى مەدالى.
انتالياداعى الەم بىرىنشىلىگى بۇگىن, 2 ساۋىردە اياقتالادى.