استاناداعى «سارىارقا» ساۋدا ويىن-ساۋىق ورتالىعىندا ەسكالاتور ىستەن شىعىپ, 3 ادام زارداپ شەكتى, دەپ حابارلايدى Egemen.kz.
توتەنشە جاعداي كەزىندە ەسكالاتور ۇستىندە جيىرماعا جۋىق ادام بولعان.
«الدىن الا مالىمەت بويىنشا, ەسكالاتور 3-قاباتتان 2-قاباتقا قۇلاعان. وقيعا كەزىندە ەسكالاتوردا 20-عا جۋىق ادام بولعان. اپات سالدارىنان ەكى ەرەسەك ادام مەن ءبىر بالا جەڭىل جاراقات العان. ولاردى جەدەل جاردەم قىزمەتى تەكسەرىپ جاتىر», دەپ حابارلادى تجم-ءنىڭ رەسمي وكىلى رۋسلان يمانقۇلوۆ.
رەسمي مالىمەتكە سايكەس, دارىگەرلەردىڭ قاراۋىنان كەيىن تۇرعىندار ۇيلەرىنە جىبەرىلدى.