زاڭگەر ءلاززات احاتوۆا ءانۇراندى ەلەمەگەن جۋرناليسكە قاتىستى پىكىر ءبىلدىردى. زاڭگەردىڭ ايتۋىنشا, ءجۋرناليستى اكىمشىلىك جازاعا تارتۋعا ابدەن بولادى, دەپ حابارلايدى Egemen.kz.
ءانۇران ايتىلعان كەزدە ورنىنان تۇرماعان ءجۋرناليستىڭ ءىسىن جۇرت قىزۋ تالقىلاپ جاتىر. ءبىرى «ونداي-ونداي بولىپ تۇرادى» دەپ اقتاسا, ەكىنشى تاراپ انۇرانعا قۇرمەت كورسەتپەگەنىن سىنعا الىپ جاتىر. الەۋمەتتىك جەلىدە تاراعان ۆيدەودا «ۆلاست» اقپاراتتىق اگەنتتىگىنىڭ ءجۋرناليسى تامارا ۆاال ءانۇران شىرقالعان كەزدە ورنىنان تۇرماستان جۇمىس ىستەپ وتىرا بەرگەن.
بۇل جاعدايدان كەيىن «ۆلاست» اقپاراتتىق اگەنتتىگى تەلەگرام ارناسىندا قىزمەتكەرىنىڭ ارەكەتى ءۇشىن كەشىرىم سۇراپ, جازبا قالدىردى.
پارلامەنتتەگى ۆيدەوعا قاتىستى تامارا ۆاال ءوزى دە پىكىر ءبىلدىردى. جۋرناليست اعىنان جارىلىپ, كاسىبي مىندەتىن العا تارتقان.
«پارلامەنت قابىرعاسىندا بولىپ جاتقان ماڭىزدى جايتتاردى حالىققا بارىنشا تەز ءارى اشىق جەتكىزۋ جۇكتەلگەن.ء بىزدىڭ جۇمىسىمىزدىڭ ەرەكشەلىگى دە وسىندا, ءبىز ناقتى ۋاقىتتا بولىپ جاتقان بارلىق نارسەنى ءماتىن تۇرىندە بەرۋىمىز ءتيىس. مەملەكەتتىك ءانۇران ورىندالىپ جاتقاندا وپەراتورلار مەن فوتوگرافتار زالدى ارالاپ, ءتۇسىرىپ جاتقانى سياقتى شارۋا بۇل», دەيدى جۋرناليست.
بۇل جاعدايعا قاتىستى زاڭگەر ءلاززات احاتوۆا دا پىكىر ءبىلدىردى.
«قر رامىزدەر تۋرالى زاڭىنىڭ 9-ءبابىنىڭ بىرىنشى تارماعىندا مەملەكەتتىك گيمن كوپشىلىك الدىندا ورىندالعان كەزدە قاتىسۋشىلار ونى ورنىنان تۇرىپ ايتادى (تىڭدايدى), بۇل رەتتە قازاقستان رەسپۋبليكاسىنىڭ ازاماتتارى وڭ قولىن جۇرەك تۇسىنا قويادى دەلىنگەن. ياعني ءانۇراندى ورىنداۋعا قاتىستى زاڭ تالابى بار. بۇل قر ازاماتىنىڭ بارىنە بىردەي مىندەت. الايدا زاڭدا ءدال ءانۇران ورىندالعاندا تۇرماعانى ءۇشىن جازالانادى دەپ ناقتىلانعان ءسوز جوق. بىراق قر قىلمىستىق كودەكسi 372-بابى, مەملەكەتتىك رامىزدەردى قورلاۋ تۋرالى زاڭى بار. ول زاڭعا سايكەس «قازاقستان رەسپۋبليكاسىنىڭ مەملەكەتتىك رامىزدەرىن قورلاۋ – ءۇش مىڭ ايلىق ەسەپتiك كورسەتكiشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە توعىز ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيiنگi مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋعا جازالانادى», دەلىنگەن.
زاڭدا ەگەر ءدال سول ءىس-ارەكەتكە قاتىستى زاڭ بولماسا سوعان ۇقساس زاڭ قولدانىلادى دەگەن دە نورماتيۆ بار. قىلمىستىق كودەكستىڭ جازاسى قاتاڭداۋ. دەگەنمەن رامىزدەرگە قاتىستى زاڭدى پايدالانىپ, نورماتيۆ بويىنشا ءجۋرناليستى اكىمشىلىك جازاعا تارتۋعا بولادى.
«بىراق بولاشاقتا ءدال انۇرانعا, ياعني وسىنداي جاعدايلارعا قاتىستى زاڭ قابىلدانۋى دا مۇمكىن. زاڭ دەگەن سولاي وزگەرىپ, تولىعىپ, كەرەك ەمەسى الىنىپ تاستالىپ وتىراتىن دۇنيە. سوندىقتان بۇنداي جاعدايدا اكىمشىلىك جازانى قولدانۋ كەرەك», دەدى زاڭگەر.