ۇلتتىق قاۋىپسىزدىك كوميتەتى ەسىرتكى كونترابانداسىنا قاتىسى بار حالىقارالىق ەسىرتكى سينديكاتىنىڭ ارەكەتىن بەيتاراپتاندىردى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
«جەدەل جەتە تەكسەرۋ بارىسىندا شەتەلدىك ازاماتتاردىڭ قازاقستان اۋماعىنا تەڭىز جولىمەن وپياتتار مەن باسقا دا تىيىم سالىنعان زاتتاردى جەتكىزۋدىڭ تۇراقتى ارناسىن ۇيىمداستىرۋعا قاتىسى بارى انىقتالدى. جەدەل قىزمەتكەرلەر كاسپي سۋ ايلاعى ارقىلى ەسىرتكىنى تاسىمالداۋ باعدارلارى مەن تاسىلدەرىن ەگجەي-تەگجەيلى ايقىندادى. ەسىرتكى توبىنىڭ مۇشەلەرى ولاردى انىقتاۋدا قيىندىق تۋدىرعان قازىرگى زامانعى سپۋتنيكتىك ناۆيگاتسيا قۇرالدارىمەن جانە GPS-پەن جابدىقتالعان شاعىن جىلدام جۇرەتىن كەمەلەردى پايدالانعان», دەلىنگەن حابارلامادا.
26 ناۋرىزدا ماڭعىستاۋ وبلىسىندا وپەراتسيانىڭ اياقتالۋ كەزەڭىندە ۇقك مەن «ا» ارنايى بولىمشەسىنىڭ قىزمەتكەرلەرى ەسىرتكى ارناسىن ۇيىمداستىرۋشىنى جانە ونىڭ ءۇش كومەكشىسىن ۇستاعان.
ولاردى ۇستاۋ ۇقك شەكارا قىزمەتىنىڭ كاتەرلەرىمەن جاعالاۋ ايماعىن بوگەۋ ارقىلى جۇرگىزىلگەن. باقىلاۋ ۇشقىشسىز ۇشۋ اپپاراتتارىن (ۇۇا) پايدالانۋ جولىمەن جۇزەگە اسىرىلعان.
«كونترابانداشىلاردىڭ سۋ كولىگىن تەكسەرۋ كەزىندە 30 كگ-دان استام اپيىن جانە 10 قاپتاما «مەتادون» پسيحوتروپتىق زاتى تابىلدى. وسى ءىس بويىنشا ماتەريال ستبت-دا تىركەلدى, تەرگەۋ ءىس-شارالارى پروكۋراتۋرا ورگاندارىمەن ءوزارا ءىس-قيمىلدا جۇرگىزىلىپ جاتىر», دەلىنگەن ۇقك مالىمەتىندە.