بۇگىندە ەلىمىزدىڭ كاسىپكەرلەر پالاتالارىنىڭ الاڭدارىندا كوتەرىلىپ جاتقان كوپتەگەن ماسەلە مەملەكەت باسشىسى قاسىم-جومارت توقاەۆتىڭ VIII سايلانعان پارلامەنت ءماجىلىسىنىڭ ءبىرىنشى سەسسياسىنىڭ وتىرىسىندا سويلەگەن سوزىندە, ۇزاقمەرزىمدى ستراتەگيالارىندا ەرەكشە كورىنىس تاپتى.
ءبىزدىڭ وبلىستىڭ بيزنەس وكىلدەرى شاعىن جانە ورتا بيزنەستى قولداۋ ستراتەگياسى ۇزاقمەرزىمدى بولۋى تيىستىگىن قۇپ الادى. سەبەبى ول تۇراقتىلىق فاكتورىنا ىقپال ەتىپ, كاسىپكەرلەردىڭ دامۋ پەرسپەكتيۆالارىن ناقتىلاي ءتۇستى. بۇل ءوز كەزەگىندە جەكەلەگەن ءوڭىردىڭ دە, تۇتاستاي العاندا ەلدىڭ دە ينۆەستيتسيالىق الەۋەتىنە اسەر ەتەدى. كوپپارتيالىق جانە بۇكىل ساياسي جۇيەنىڭ جاڭارۋى زاڭنامالىق ۇدەرىسكە ساپالى اسەر ەتۋى كەرەك. ينۆەستيتسيالار مەن سالىق بيزنەس ءۇشىن دە ماڭىزدى.
پرەزيدەنت سالىق ساياساتىنىڭ جاڭا مودەلى ەكونوميكالىق بەلسەندىلىكتىڭ جوعارى دەڭگەيىن قامتاماسىز ەتۋگە ءتيىس ەكەنىن اتادى. ينۆەستيتسيالارعا كەلەتىن بولساق, بۇل – ەكونوميكانىڭ تاعى ءبىر قۇرامداس بولىگى. مەملەكەت باسشىسىنىڭ سوزىندە بيزنەسكە ەرەكشە نازار اۋدارىلۋى كەزدەيسوق ەمەس, ويتكەنى ءبىز ساياسي باستامالاردىڭ كەز كەلگەن مەملەكەت ءۇشىن باستى باعىت – كاسىپكەرلىكتى قولداۋعا قالاي وڭ اسەر ەتەتىنىن كورىپ وتىرمىز.
مەملەكەت باسشىسى ەلدىڭ دامۋىنا ۇلەس قوساتىن كاسىپكەرلەردىڭ «جاڭا تولقىنىن» قالىپتاستىرۋ قاجەتتىگىنە نازار اۋداردى. بيىل جاستار مەن اۋىل تۇرعىندارىنا نەسيە بەرۋ ءۇشىن وبلىسىمىزدىڭ 2,5 پايىزىنا 4,3 ملرد تەڭگە ءبولىندى. بۇل زور قولداۋ جانە ءوز ءىسىن باستاعىسى كەلەتىندەر ءۇشىن جاقسى مۇمكىندىك. قازىر حالىق بيزنەسپەن اينالىسۋعا جان-جاقتى قولداۋ بار ەكەنىن جاقسى تۇسىنەدى. راس, اكىمشىلىك كەدەرگىلەر دە كەزدەسەدى. مۇنداي جاعدايلاردا پالاتا كاسىپكەردى قورعاۋعا, وعان كومەك كورسەتۋگە دايىن.
ەرنار كۇلپەيىسوۆ,
قاراعاندى وبلىسى كاسىپكەرلەر پالاتاسىنىڭ ديرەكتورى