قازاقستان پرەزيدەنتى ءىس باسقارماسى مەديتسينالىق ورتالىعىنىڭ «قارلىعاش» بالاباقشاسىنىڭ وكىلدەرى كوكشەتاۋ قالاسىنىڭ مەكتەپكە دەيىنگى ۇيىمدارىمەن تاجىريبە الماستى.
«قارلىعاش» بالاباقشاسىنىڭ وكىلدەرى «نۇر بالا» بوبەكجاي-باقشاسىنىڭ جۇمىسىمەن تانىسىپ, بالالاردىڭ بەلسەندى ءىس-قيمىل ورتالىقتارى, «Sand art» كابينەتى, ءموبيلدى كىتاپحانا, «ۇلتتىق مۇرا – قازىنا» ورتالىعىندا جانە پسيحولوگ كابينەتىندە بولدى. سونداي-اق مەكتەپكە دايارلىق توبىنداعى «بولجاۋ اعاشى» تەحنولوگياسىن قولدانا وتىرىپ ۇيىمداستىرىلعان شەبەرلىك سىنىبىنا قاتىستى. «التىن بالا» بالاباقشاسىندا مۇراجايدى, STEM-كابينەتىن جانە كىتاپحانانى ارالاپ, سويلەۋ قابىلەتى بۇزىلعان بالالارعا ارنالعان توپتارداعى پەداگوگتەردىڭ جۇمىسىمەن تانىستى. ال «Zerek» بوبەكجاي-باقشاسىندا ينتەراكتيۆتى قۇمسالعىش, روبوتتەحنيكا كابينەتى, ينتەراكتيۆتى الپينيزم بولمەسى, سەنسورلىق بولمە, STEM-زەرتحاناسىندا بولىپ, «ينتەللەكتۋم – بالاباقشا» ىسكەرلىك ويىنىنا قاتىستى.
كوكشەتاۋ قالالىق ءبىلىم بولىمىندە جەرگىلىكتى مەكتەپكە دەيىنگى ءبىلىم بەرۋ ۇيىمدارى پەداگوگتەرىنىڭ قاتىسۋىمەن دوڭگەلەك ۇستەل وتكىزىلدى. وبلىستىق ءبىلىم باسقارماسى باسشىسىنىڭ ورىنباسارى بوتاگوز دۇيسەنوۆا كەزدەسۋدىڭ ماڭىزىنا توقتالدى. «قارلىعاش» بالاباقشاسىنىڭ ديرەكتورى بەيبىتگۇل قازاقپاەۆا «جەلىلىك بالاباقشا مودەلى» تاقىرىبىنداعى پرەزەنتاتسياسىن ۇسىنىپ, بالاباقشانىڭ اتقاراتىن قىزمەتى مەن وقىتۋدىڭ يننوۆاتسيالىق ادىستەرىنە جان-جاقتى توقتالىپ, اتقارىلىپ جاتقان جۇمىستار تۋرالى تاراتىپ ايتىپ بەردى.
«قارلىعاش» بالاباقشاسىنىڭ №2 وبەكتىسىنىڭ مەڭگەرۋشىسى راۋشان قوجاحمەتوۆا «مەكتەپكە دەيىنگى ۇيىمداردا ءبىلىم بەرۋ ساپاسىن باعالاۋ ءۇشىن ەسەگѕ-3 شكالاسىن قولدانۋ» تاقىرىبىندا سەمينار-ترەنينگ وتكىزىپ, ادىستەمەنى قولدانۋداعى بالاباقشانىڭ تاجىريبەسىمەن ءبولىستى. №1 وبەكتىنىڭ ادىسكەرى نۇرجان ناباتوۆا ءوز كەزەگىندە «بالاباقشاداعى Naushop» تاقىرىبىندا سەمينار وتكىزىپ, مەكتەپ جاسىنا دەيىنگى بالالارمەن جۇمىس ىستەۋدە وقىتۋدىڭ ينتەراكتيۆتى ادىستەرىن قولدانۋ بارىسى تۋرالى ايتىپ بەردى.
كەزدەسۋ سوڭىندا كوكشەتاۋ قالاسىنىڭ مەكتەپكە دەيىنگى ءبىلىم بەرۋ ۇيىمدارىنىڭ پەداگوگتەرى ءىس-شارانىڭ كاسىبي تاجىريبە الماسۋداعى قاجەتتىلىگىنە توقتالىپ, وي-پىكىرلەرىن ورتاعا سالدى. جالپى, كوكشەتاۋ قالاسىنىڭ مەكتەپكە دەيىنگى ۇيىمدارىمەن كەزدەسۋ بارىسىندا «قارلىعاش» بالاباقشاسىنىڭ زاماناۋي قىزمەتتەردى كورسەتەتىن رەسپۋبليكا بويىنشا مەكتەپكە دەيىنگى ءبىلىم بەرۋ مەكەمەلەرىنىڭ كوشباسشىسى رەتىندە ءوز تاجىريبەسىن وڭىرلەردىڭ مەكتەپكە دەيىنگى ۇيىمدارىنا تاراتۋعا دايىن ەكەندىگى اتاپ ءوتىلدى. وڭىرلەردىڭ مەكتەپكە دەيىنگى ۇيىمدارىمەن كەزدەسۋدىڭ باستى ماقساتى – «قارلىعاش» بالاباقشاسىندا قولدانىلاتىن يننوۆاتسيالىق مەتوديكالاردى تانىستىرۋ, وزىق پەداگوگيكالىق تاجىريبەمەن ءبولىسۋ.
«قارلىعاش» بالاباقشاسى بيىل وسى فورماتتاعى ءىس-شارالار تىزبەگىن قازاقستان پرەزيدەنتىنىڭ ءىس باسقارماسى مەديتسينالىق ورتالىعىنىڭ كۇندەرى شەڭبەرىندە ەلىمىزدىڭ وزگە دە وڭىرلەرىندە وتكىزۋدى جوسپارلاپ وتىر.
كوكشەتاۋ