ەلىمىزدەگى ءبىلىم بەرۋ جۇيەسىن جان-جاقتى دامىتۋ قاجەت. بۇل تۋرالى مەملەكەت باسشىسى قاسىم-جومارت توقاەۆ VIII سايلانعان پارلامەنتتىڭ العاشقى سەسسياسىندا ايتتى, دەپ حابارلايدى Egemen.kz.
ء«بىلىم ساپاسىن, اسىرەسە, ورتا ءبىلىمنىڭ دەڭگەيىن ارتتىرۋ ءۇشىن باتىل شەشىم قابىلداۋ قاجەت. ءبىلىم بەرۋ سالاسىندا ۇستاز – ەڭ باستى تۇلعا. ونىڭ قوعامداعى ابىروي-بەدەلىن ارتتىرا بەرۋىمىز كەرەك. الايدا مۇعالىمدەردىڭ, ديرەكتورلاردىڭ جانە پەداگوگيكالىق وقۋ ورىندارى تۇلەكتەرىنىڭ كوپشىلىگى ۇلتتىق بىلىكتىلىك ەمتيحانىنان وتە المادى.
ماعان كەيبىر تاجىريبەلى ۇستازدار ءتيىستى مينيسترلىك دايىنداعان تاپسىرمالار تىم كۇردەلى دەپ شاعىمداندى. بالكىم, ونى جەڭىلدەتۋ, جەتىلدىرۋ كەرەك شىعار. بۇل سالادا قاتىپ قالعان قاتاڭ ەرەجە بولماۋى كەرەك. بىراق نەگىزى, ۇستازدارعا قويىلاتىن تالاپ جوعارى بولۋعا ءتيىس», دەدى پرەزيدەنت.
مەملەكەت باسشىسىنىڭ ايتۋىنشا, مۇعالىم تاپشىلىعىن جەلەۋ ەتىپ, مەكتەپكە كەز-كەلگەن ادامدى جۇمىسقا الا بەرۋگە بولمايدى. مۇنداي ارەكەت ۇستازداردىڭ بىلىكتىلىك دەڭگەيىن كۇرت تومەندەتەدى. سول سەبەپتى مۇعالىم دايارلاۋ ءىسىن جەتىلدىرۋ ءۇشىن ناقتى شارالار قابىلداۋ قاجەت. بۇل – وسكەلەڭ ۇرپاقتىڭ بولاشاعىنا بايلانىستى وتە ماڭىزدى مىندەت.
سونىمەن قاتار ءبىلىم بەرۋ جۇيەسىندەگى مەنەدجمەنتتى جاقسارتۋعا باسا ءمان بەرىلۋگە ءتيىس. وسى سالاعا ناعىز كاسىبي مامانداردى تارتۋ قاجەت.
«بىزدە پرەزيدەنتتىك جاستار كادر رەزەرۆى بار. ءدال سول سياقتى ءبىلىم سالاسىنا وزگەرىس اكەلەتىن 1 مىڭ مامان ارنايى دايىندىقتان وتەتىن بولادى. وسىعان وراي ءتيىستى باعدارلاما قابىلدانادى.كادر ماسەلەسى جوعارى ءبىلىم بەرۋ جۇيەسى ءۇشىن دە وتە وزەكتى», دەپ اتاپ ءوتتى ق. توقاەۆ.