پرەزيدەنت ەلىمىزدە ونەركاسىپتىڭ العا جىلجىپ, دامۋى ءۇشىن عىلىمعا كوڭىل ءبولۋ كەرەك ەكەنىن ايتتى. ول وسى ماقساتتا ارنايى زاڭ جوباسىن ازىرلەۋدى ۇسىندى, دەپ حابارلايدى Egemen.kz.
مەملەكەت باسشىسى وڭدەۋ ونەركاسىبىن دامىتۋ ماسەلەلەرىنە توقتالدى.
«ەلىمىزدىڭ ەكونوميكاسى سىرتقى ساۋداعا جانە ينۆەستيتسياعا ءاردايىم اشىق. قازاقستان – دۇنيەجۇزىلىك ساۋدا ۇيىمىنىڭ مۇشەسى. سوندىقتان سىرتقى ساۋدامىزدى ەركىن تۇردە دامىتۋىمىز كەرەك. بىراق كەمىندە ءوز الەۋەتىمىز جەتەتىن نارسەلەرمەن ءوزىمىزدى قامتاماسىز ەتۋىمىز قاجەت. مىسالى, شيكىزات تا, ماماندار دا, كەيبىر تەحنولوگيا دا ءوز ەلىمىزدە بار. ەلدىڭ ىشكى سۇرانىسىن وتەۋگە قاتىستى ءبىر نەگىزگى ۇستانىم بولۋعا ءتيىس. ەڭ الدىمەن, ىشكى نارىققا باعىتتالعان وڭدەۋ ونەركاسىبىن دامىتۋىمىز قاجەت», دەدى قاسىم-جومارت توقاەۆ.
سونداي-اق وڭدەۋ ونەركاسىبىن دامىتۋ ءۇشىن عىلىمعا جەتكىلىكتى كوڭىل ءبولىنۋ كەرەگىن قوسا ايتتى. ءارى دەپۋتتارعا زاڭ جوباسى قاجەت ەكەنىن ەسكەرتتى.
«وڭدەۋ ونەركاسىبىن يننوۆاتسيا مەن جوعارى تەحنولوگيا عانا جەدەل دامىتادى. بۇل – ايدان انىق نارسە. سول سەبەپتى قازاقستان ەكونوميكاسى عىلىمي جەتىستىكتەردى نەگىزگە الۋى كەرەك. زەرتتەۋ جۇرگىزىپ, پاتەنت الۋ جەتكىلىكسىز. عىلىمي جاڭالىقتاردى وندىرىستە پايدالانۋ قاجەت. عىلىمدى جان-جاقتى دامىتۋ ءۇشىن جاڭا زاڭ قابىلداۋ كەرەك. دەپۋتاتتار وسى زاڭ جوباسىنا مەن بەرەدى دەپ ويلايمىن», دەدى پرەزيدەنت.