مەملەكەت باسشىسى زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار جالعاساتىنىن ايتتى, دەپ حابارلايدى Egemen.kz.
قاسىم-جومارت توقاەۆ جاقىن ارادا زاڭسىز شىعارىلعان اكتيۆتەردى مەملەكەتكە قايتارۋ بويىنشا ءتيىستى زاڭ قابىلداناتىنىن اتاپ ءوتتى.
«وتكەن جىلدىڭ باسىنان بەرى ەكونوميكانى مونوپوليادان ارىلتۋ جۇمىستارى جۇرگىزىلىپ كەلەدى. بۇل – ۇكىمەتتەن ەرىك-جىگەر مەن جوعارى كاسىبيلىكتى تالاپ ەتەتىن كۇردەلى پروتسەسس. بۇل جۇمىستى جالعاستىرعان ءجون. ترانسفەرتتى باعا بەلگىلەۋ, حالىقارالىق سالىق سالۋ, سۋبسيديا مەن مەملەكەتتىك رەسۋرستاردى ءبولۋ كەزىندە باقىلاۋدى قامتاماسىز ەتەتىن تۇسىنىكتى جانە ءتيىمدى قۇرالداردى قولدانىسقا ەنگىزۋ قاجەت.
پرەزيدەنت بولىپ قايتا سايلانعاننان كەيىن ەڭ ءبىرىنشى زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى جارلىققا قول قويعانىمدى ەسكە سالامىن. ۇكىمەت پەن باس پروكۋراتۋرا جەكە زاڭ جوباسىن ازىرلەدى. پارلامەنت ءتيىستى زاڭدى جۋىق ارادا قابىلداۋى كەرەك», دەدى پرەزيدەنت.
سونداي-اق وسى ماسەلەنى ءجيى كوتەرىپ جۇرگەن «اق جول» پارتياسى بەلسەندىلىك تانىتانىنا ءارى پارلامەنتكە وتكەن Respublica پارتياسىنا بيزنەستىڭ دامۋىنا ىقپال ەتەتىنىنە سەنىم ءبىلدىردى.
«جالپى ورتا جانە شاعىن كاسىپكەرلىكتى قولداۋ ساياساتى مەملەكەتىمىزدىڭ ۇزاق مەرزىمگە ارنالعان تۇراقتى ستراتەگياسىنا اينالۋى كەرەك. «اق جول» پارتياسى شاعىن جانە ورتا بيزنەستى دامىتۋ, ەكونوميكانى مونوپوليادان ارىلتۋ تۋرالى ۇنەمى ايتىپ ءجۇر. پارتيانىڭ ماجىلىستەگى دەپۋتاتتارى وسى جۇمىسقا ءوز ۇلەسىن قوسادى دەپ سەنەمىن. سونداي-اق كاسىپكەرلەردىڭ باستاماسىمەن قۇرىلعان Respublica پارتياسى پارلامەنتكە ءوتتى. بۇل ۇيىم بيزنەستىڭ دامۋىنا قولايلى جاعداي قالىپتاستىرۋعا اتسالىسادى دەپ ويلايمىن»», دەپ اتاپ ءوتتى مەملەكەت باسشىسى.