قاسىم-جومارت توقاەۆتىڭ VIII سايلانعان قازاقستان رەسپۋبليكاسى پارلامەنتىنىڭ ءبىرىنشى سەسسياسى اشىلۋىنداعى ءسوزى باستالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«مەن ءبىر جىل بۇرىن, وسى عيماراتتا حالىققا جولداۋىمدى جاريالادىم. ەلىمىز ءۇشىن اسا ماڭىزدى ساتتە ساياسي جاڭعىرۋ باعدارلاماسىن ۇسىندىم. باستامالارىمىز جۇرتتىڭ شىنايى قولداۋىنا يە بولدى. وعان بىلتىرعى رەفەرەندۋمدا ايقىن كوز جەتكىزدىك. ءبىز تاۋەكەلگە بەل بۋىپ, بىردەن ىسكە كىرىستىك. ءبىر جىلدىڭ ىشىندە اۋقىمدى جۇمىس اتقارىلدى», دەدى پرەزيدەنت.
مەملەكەت باسشىسى كونستيتۋتسيالىق رەفورما ارقىلى بۇكىل جۇيەنى وزگەرتەتىن قادامدار جاسالعانىن اتاپ ءوتتى.
«پرەزيدەنت جەتى جىلعا ءبىر رەت قانا سايلاناتىن بولدى. سونداي-اق پارلامەنتتىڭ قۇزىرەتى مەن قىزمەتى قايتا قارالدى. دەپۋتاتتاردىڭ ءرولى ەداۋىر كۇشەيدى. كونستيتۋتسيالىق سوت قۇرىلدى. بۇكىل سوت جۇيەسىنە تۇبەگەيلى رەفورما جاساۋ باستالدى. ادامنىڭ قۇقىقتارى مەن بوستاندىقتارىن قورعاۋعا قاتىستى جۇمىس جاڭاشا سيپات الدى. ازاماتتاردىڭ ساياسي ومىرگە ەمىن-ەركىن ارالاسۋىنا جول اشىلدى», دەدى ول.