باتىس قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ شەشىمىمەن وبلىستىڭ 29 جاستاعى تۇرعىنى اسا ءىرى مولشەردە ەسىرتكى ساتقانى ءۇشىن 11 جىلعا باس بوستاندىعىنان ايىرىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
پوليتسەيلەر انىقتاعانداي, 2022 جىلدىڭ جازىندا كۇدىكتى Telegram مەسسەندجەرىندەگى ارناعا تىركەلىپ, ەسىرتكى ساتۋدى جوسپارلاعان. بۇل ارەكەتىن جۇزەگە اسىرۋ ءۇشىن ول الەۋمەتىك جەلى پايدالانۋشىسىمەن بايلانىسىپ, ورال قالاسىندا ەسىرتكىنى زاڭسىز وتكىزۋ تۋرالى كەلىسىم جاساسقان.
قىلمىستىق نيەتىن ورىنداۋ ماقساتىندا كۇدىكتى كۋراتوردان قوسىمشا ارقىلى 100 مىڭ تەڭگە الىپ, پاتەر جالداپ, ەسىرتكىنى بۋىپ-تۇيۋگە جانە سالماعىن ولشەۋگە ارنالعان ەلەكتروندى تارازى, زيپ-پاكەتتەر, ءتۇرلى ءتۇستى يزولەنتا مەن سكوتچ ساتىپ العان.
ءارى قاراي ەسىرتكى جاسىرۋ ورىندارىنىڭ كوورديناتتارىن الىپ, تىيىم سالىنعان زاتتاردى جاسىرىپ كەتكەن. سودان كەيىن ول جالعا العان پاتەرىنە ورالعان. جەدەل ءىس-شارالار بارىسىندا وبلىستىڭ ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى كۇدىكتىنى پاتەرگە جاقىن جەردە ۇستادى.
ول وزىمەن بىرگە بولعان ەسىرتكى سالىنعان پاكەتتى لاقتىرىپ, جاسىرىنباق بولعان. ساراپتاما قورىتىندىسىنا سايكەس الىنعان زاتتار سينتەتيكالىق ەسىرتكى «مەفەدرون» بولىپ شىقتى. تىيىم سالىنعان زاتتىڭ سالماعى شامامەن ءبىر كەلىنى قۇرادى.
سوت ەسىرتكى ساتۋشىنى كىنالى دەپ تانىپ, 11 جىلعا باس بوستاندىعىنان ايىردى. ايتا كەتەيىك, بيىلعى جىلدىڭ ەكى ايىندا پوليتسەيلەر ەلىمىزدە ينتەرنەت ارقىلى ەسىرتكى تاراتۋمەن اينالىسقان 77 ادامدى ۇستادى.