بيىل قۇرىلىس-مونتاج جۇمىستارىمەن 11 مىڭ شاقىرىمداي اۆتوجول قامتىلادى. بۇل تۋرالى جانە 2023 جىلعا بەلگىلەنگەن جوسپارلار جونىندە قر پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قر يدم اۆتوموبيل جولدارى كوميتەتى توراعاسىنىڭ ورىنباسارى امانگەلدى بەكوۆ ايتىپ بەردى, دەپ حابارلايدى Egemen.kz.
ۆەدومستۆو وكىلى ناقتىلاعانداي, وسى جىلدىڭ سوڭىنا قاراي نورماتيۆتىك جاعدايداعى جولداردىڭ ۇلەسى رەسپۋبليكالىق جەلى بويىنشا 92%-عا جانە جەرگىلىكتى جەلىگە سايكەس 87%-عا دەيىن ارتادى دەپ كوزدەلىپ وتىر.
«رەسپۋبليكالىق جەلىگە بايلانىستى 3,6 مىڭ شاقىرىم جولدا قۇرىلىس جانە جاڭعىرتۋ جۇمىستارى جۇرگىزىلىپ, ونىڭ 856 شاقىرىمىن اياقتايمىز. كۇردەلى جانە ورتاشا جوندەۋمەن شامامەن 3,4 مىڭ شاقىرىم جول قامتىلادى. جەرگىلىكتى ماڭىزداعى اۆتوجولدارعا توقتالساق, جوندەۋدىڭ بارلىق تۇرىمەن 4 مىڭ شاقىرىم جول قامتىلادى دەپ جوسپارلانعان», دەدى ا.بەكوۆ.
سونداي-اق بريفينگتە مەملەكەت باسشىسىنىڭ تاپسىرماسىنا سايكەس اۆتوجول سالاسىن رەفورمالاۋ بويىنشا قولعا الىنعان نەگىزگى جۇمىستار تۋرالى دا ايتىلدى. اتاپ ايتقاندا, FIDIC قاعيداتتارىن ەنگىزۋ مەن EPCM-كەلىسىمشارتتارىنا كوشۋ. ماسەلەن, EPCM-كەلىسىمشارتىنىڭ تالابىبويىنشا ءبىر ورىنداۋشى جوبانىڭ تولىق تسيكلىن جۇزەگە اسىراتىنىن اتاپ وتكەن ءجون. بۇل ورايدا جوبانى ىسكە اسىراتىن مەردىگەر بارلىق تاۋەكەلدى ءوز جاۋاپكەرشىلىگىنە الاتىنىن ايتا كەتەيىك.
بۇدان بولەك ءباسپاسوز جيىنىندا جول اكتيۆتەرىنىڭ ۇلتتىق ساپا ورتالىعىمەن جەرگىلىكتى جولداردىڭ ساپاسىن ساراپتاۋ جونىندەگى بىرىڭعاي شارت قابىلداناتىنى بەلگىلى بولدى. بۇل ەلىمىزدەگى اۆتوجول جوبالارىندا قۇرىلىس تەحنولوگياسىن ساقتاي وتىرىپ, پايدالانىلاتىن ماتەريالداردىڭ ساپاسىن جانە مەردىگەرلىك ۇيىمداردىڭ ءتارتىبىن كۇشەيتۋگە سەپتىگىن تيگىزەدى.
سونىمەن قاتار جول سالاسىنداعى نورماتيۆتىك-تەحنيكالىق بازانى جەتىلدىرۋ ماسەلەسى دە كوتەرىلدى. ايتالىق, قولدانىستاعى ستاندارتتار 50 نەگىزگى گوست پەن تالاپتارعا وڭتايلاندىرىلىپ, جاڭارتىلماق. وسى ارقىلى سىنالىپ, دالەلدەنگەنماتەريالدار مەن تەحنولوگيالار ءتىزىلىمى جاڭعىرتىلادى.