الماتى ماڭىندا ورنالاسقان شىمبۇلاق تاۋ شاڭعىسى كۋرورتى رەسمي تۇردە گيننەستىڭ رەكوردتار كىتابىنا ەندى. بۇل تۋرالى كەشە بەلگىلى بولدى, دەپ حابارلايدى Egemen.kz.
«شىمبۇلاق» گيننەستىڭ رەكوردتار كىتابىنا «الەمدەگى ەڭ بيىك تۇنگى شاڭعى تراسساسى» نوميناتسياسى بويىنشا ەندى.
«مەن وسىندا جانە قازىر سىزدەرمەن «شىمبۇلاق» شيپاجايىندا بولعانىما وتە قۋانىشتىمىن. ەڭ ۇزاق تۇنگى ترەكتىڭ ەڭ تومەنگى رەكوردى تەڭىز دەڭگەيىنەن 3100 م بيىكتىكتە (بۇرىن ورناتىلعان). شىمبۇلاق تاۋلى كۋرورتى «دۇنيە جۇزىندەگى ەڭ بيىك تۇنگى شاڭعى تراسساسى رەتىندە رەسمي تۇردە گيننەس رەكوردىن الدى – تەڭىز دەڭگەيىنەن 3200 م. بۇل الەمدەگى جاڭا رەكورد», دەدى گيننەس رەكوردتار كىتابىنىڭ رەسمي سۋدياسى شەيدا سۋباشي-گەميدجي.
ول «شىمبۇلاق» كاسىپورنىنىڭ باس ديرەكتورى رينات ابدىراحمانوۆقا الەمدىك رەكوردتى راستايتىن سەرتيفيكاتتى تابىس ەتتى.
«بۇگىن شىمبۇلاقتا شىن مانىندە ايتۋلى جانە ماڭىزدى كۇن ءوتتى. گيننەستىڭ رەكوردتار كىتابىنىڭ وكىلدەرى بىزگە «الەمدەگى ەڭ بيىك تۇنگى شاڭعى جولى» نوميناتسياسىن بەردى. ول قازاقستاندا, الماتىدا, شىمبۇلاق تاۋ كۋرورتىندا ورنالاسقان. بارشاڭىزدى قۇتتىقتايمىن قازاقستان!», دەدى رينات ءابدىراحمانوۆ.
جاڭا رەكوردتى رەسمي بەكىتۋ جانە سەرتيفيكاتتى تاپسىرۋ ءراسىمى تەڭىز دەڭگەيىنەن 3200 م بيىكتىكتە ورنالاسقان «تالعار اسۋى» ستانساسىندا ءوتتى.
بۇدان بۇرىن حابارلانعانداي, 2023 جىلدىڭ 1 ساۋىرىنەن باستاپ «شىمبۇلاق» تاۋ-شاڭعى بازاسىنا اۆتوكولىكتەردىڭ كىرۋىنە شەكتەۋلەر وزگەرەدى.